Գերմանիայում կոչ են արել չեղարկել ԵՄ-ին Թուրքիայի անդամակցության շուրջ բանակցությունները17 ապրիլի 2017 - 12:59 AMT PanARMENIAN.Net - Թուրքիայում տեղի ունեցած հանրաքվեից հետո, որով նախատեսվում է անցում նախագահական կառավարման, առաջատար գերմանական կուսակցությունների ղեկավարները պահանջել են չեղարկել ԵՄ-ին Անկարայի անդամակցության շուրջ բանակցությունները: Քրիստոնյա-դեմոկրատական միության փոխնախագահ Մանֆրեդ Վեբերը հայտարարել է, որ Թուրքիայի լիիրավ անդամակցումը ԵՄ-ին «այլևս չի կարող բանակցությունների նպատակ լինել»: Վեբերը ԵՄ-ին Թուրքիայի անդամակցելու հեռանկարը բնութագրել է որպես ինքնախաբեություն, գրում է Deutsche Welle-ն: Ըստ նրա, ԵՄ-ին այդ երկրի անդամակցության հարցը պետք է հանվի օրակարգից: Ակնկալվում է, որ ԵՄ երկրների ղեկավարները մայիսին կայանալիք գագաթնաժողովում կհայտարարեն Թուրքիայի հետ հարաբերությունների վերանայման մասին: ԳԴՀ կառավարությունը դեռևս ձեռնպահ է մնում մեկնաբանություններից: Ավելի վաղ, ԵՄ-ին անդամակցելու հեռանկարի կապակցությամբ, Թուրքիան Բրյուսելից 4,8 մլրդ եվրո է ստացել, և ըստ ծրագրերի, ևս 4,45 մլրդ եվրո պետք է ստանա մինչև 2020թ.: Բացի այդ, Ձախակողմյանների և «Կանաչների» կուսակցությունների առաջնորդներ Սարա Վագենկնհեթն ու Ջեմ Օզդեմիրը պահանջել են վերանայել նաև ռազմական գործակցությունը Թուրքիայի հետ: Թուրքիայում ապրիլի 16-ին կայացած հանրաքվեի նախնական արդյունքներով՝ քվեաթերթիկների 99.9%-ի հաշվարկից հետո, աննշան առավելություն են գրացնել Սահմանադրության փոփոխության կողմնակիցները՝ խորհրդարանականից նախագահական կառավարման համակարգի անցնելու կողմնակիցները կազմել են քվեարկությանը մասնակցածների 51.2%-ը: Սա 1.25 մլն-ով ավելի է Սահմանադրության փոփոխությանը դեմ քվեարկածներից: Հաղորդվում է, որ վերջնական արդյունքները կհրապարակվեն 10-12 օր անց: Արտերկրում գործող ընտրատեղամասերում, որտեղ քվերակել են Թուրքիայի քաղաքացիները, նախագահական համակարգի կողմնակիցները հաղթել են Գերմանիայում, Ֆրանսիայում, Ավստրիայում, Հոլանդիայում, իսկ հակառակորդները՝ ՌԴ-ում, Մեծ Բրիտանիայում, ԱՄՆ-ում և Կանադայում: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |