  Բեռլինում մեկնարկել են «սառեցված հակամարտություններին» նվիրված լսումները 5 նոյեմբերի 2007 - 16:06 AMT PanARMENIAN.Net - Եվրոպայի Խորհրդի Խորհրդարանական վեհաժողովի` ԵԽԽՎ-ի դիտարկման կոմիտեն եւ Գերմանիայի Միջազգային եւ անվտանգության հարցերի ինստիտուտը երկօրյա լսումներ են անցկացնում Բեռլինում «սառեցված հակամարտությունների» շուրջ: Լսումներում Հայաստանը ներկայացնում են ԵԽԽՎ-ում մեր պատվիրակության ղեկավար Դավիթ Հարությունյանը, ՀՀ ԱԺ արտաքին հարաբերությունների մշտական հանձնաժողովի նախագահ Արմեն Ռուստամյանը եւ Գերմանիայում ՀՀ դեսպան Կարինե Ղազինյանը: Հանդիպումն անցնում է ԵԽԽՎ դիտարկման կոմիտեի ղեկավար Էդուարդ Լինտների նախագահությամբ: Քննարկումներին մասնակցում են Հարավային Կովկասում Եվրամիության հատուկ ներկայացուցիչ Պիտեր Սեմնեբին, ԵԽ Վենետիկի հանձնաժողովի քարտուղարի փոխնախագահ Թոմաս Մարկերտը, ռուս քաղաքագետ Սերգեյ Մարկեդոնովը, Բրյուսելի համալսարանի քաղաքական հարցերի գծով պրոֆեսոր Բրունո Կոպպիտերսը: Ինչպես հայտարարել է լսումների բացմանը Է.Լինտները, «սառեցված հակամարտությունների» հարցը մշտապես գտնվում է ԵԽ ուշադրության կենտրոնում: Գերմանիայի Միջազգային եւ անվտանգության հարցերի ինստիտուտի ղեկավար Յուվե Հալբախը հանդես է եկել հիմնական զեկույցով: Նա նշել է, որ հետխորհրդային երկրներում որոշ հակամարտությունների պատմությունը սկսվել է ԽՍՀՄ փլուզումից: «Հակամարտությունների գոտիներում ներկայումս զինադադար է, սակայն խնդիրները չլուծված են մնում: Ուստի մենք ստիպված ենք անվանել այդ հակամարտությունները «սառեցված»: «Սառեցված հակամարտություններ» ունեցող Հարավային Կովկասի երկրների ընդգրկումը Եվրոպական հարեւանության քաղաքականության ծրագրում խթան կհանդիսանա այդ հակամարտությունների կարգավորման համար: ԵՄ-ն մտահոգ է հակամարտությունների ձգձգմամբ եւ ցանկանում է, որ դրանք արագ կարգավորվեն, քանի որ դա թույլ կտա տարածաշրջանի երկրներին զարգանալ»,-ընդգծել է Հալբախը: Լսումների երկրորդ մասը, որը գլխավորելու է ԵԽԽՎ-ի ԼՂ գծով ենթակոմիտեի նախագահ լորդ Ռասսել Ջոնսթոնը, նվիրված կլինի Լեռնային Ղարաբաղին: Քննարկումների ընթացքում զեկույցներով հանդես կգան Ջոնաթան Քոենը եւ Նոտտինհեմի համալսարանի քաղաքական հարցերի պրոֆեսոր Ստեֆան Վոլֆը: Հայաստանի եւ Ադրբեջանի պատվիրակությունների ղեկավարների ելույթներից հետո, տեղի կունենա բանավեճ, հաղորդում է ԱՊԱ-ն:   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Բաժիններ թեմայով Սյուժե Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
