  Հակամարտությունների կարգավորման հարցերի քննարկումն առանց բոլոր կողմերի մասնակցության ժամանակի զուր վատնում է 5 նոյեմբերի 2007 - 18:24 AMT PanARMENIAN.Net - Վրաց-աբխազական հակամարտության կարգավորման հետ կապված հարցերի ցանկացած քննարկում առանց Աբխազիայի մասնակցության անիմաստ է: Այդ մասին հայտարարել է Աբխազիայի չճանաչված հանրապետության փոխարտգործնախարար Մաքսիմ Գվինջիան: «Առաջին հերթին, իրավիճակի պատկերը, որն այս դեպքում ստեղծվում է ԵԽ-ի մոտ, բոլորովին անաչառ չէ, քանի որ վրացական մեկնաբանությունը, որպես կանոն, հեռու է գործերի իրական վիճակից: Երկրորդը, ցանկացած որոշում կամ խորհուրդ, ընդունված առանց աբխազական կողմի, անկենսունակ է, քանի որ դրանց իրականացումն անհնար է, եթե չկա կողմերի համաձայնությունը: Հակամարտությունների կարգավորման հարցերի քննարկումն առանց բոլոր կողմերի մասնակցության ժամանակի զուր վատնում է: Նա նշել է, որ Միջազգային հանրության շահերից է բխում ապահովել հակամարտության բոլոր կողմերի մասնակցությունը, քանի որ դա կարգավորման միակ արդյունավետ ուղին է, հաղորդում է Աբխազիայի նախագահի պաշտոնական կայքը: Հիշեցնենք, որ Բեռլինում խորհրդաժողով է ընթանում, որտեղ քննարկվում են Հարավային Կովկասի հակամարտությունների կարգավորման հետ կապված հարցեր: Խորհրդաժողովին մասնակցում են հակամարտությունների կարգավորման գծով Վրաստանի պետնախարար Դավիթ Բաքրաձեն, Ադրբեջանի խորհրդարանի միջազգային հարաբերությունների եւ միջխորհրդարանական կապերի մշտական հանձնաժողովի նախագահ Սամեդ Սեիդովը, ղարաբաղյան հակամարտության գծով Հայաստանի արտգործնախարարության բանակցային խմբի անդամ Վարուժամ Ներսիսյանը, ԵԽԽՎ դիտարկման կոմիտեի նախագահ Էդուարդ Լինտները, ՌԴ-ի ներկայացուցիչներ: Միեւնույն ժամանակ խորհրդաժողովին չեն մասնակցում Աբխազիայի, Լեռնային Ղարաբաղի, Հարավային Օսեթիայի ներկայացուցիչները, որոնք հակամարտության կողմ են:   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   Ամենաընթերցվողը բաժնում |  Բաժիններ թեմայով Սյուժե Վերջին լուրեր ՀՀ և Հորդանանի ԱԳՆ-ները մտահոգություն են հայտնել Երուսաղեմի հայկական թաղամասում ստեղծված իրավիճակի վերաբերյալ  Կոստանյանը ներկայացրել է «Խաղաղության խաչմերուկ» նախագիծըԱպրիլին 614 հարկ վճարող մոտ 251 մլն դրամի ՀԴՄ կիրառման կանոններ է խախտել Տուգանքի չափը կազմել է մոտ 251 մլն դրամԱկբա բանկը 50 մլն եվրո կուղղի ՀՀ-ում ՓՄՁ-ների զարգացմանը ՎԶԵԲ-ն առաջին անգամ Հայաստանում կկիսի ֆինանսական կառույցի կողմից տրամադրված վարկերի վերադարձելիության ռիսկը |
