 Վենեսուելայում բողոքի ցույցերի ժամանակ 16 մարդ է սպանվել 31 հուլիսի 2017 - 11:25 AMT PanARMENIAN.Net - Վենեսուելայում հակակառավարական բողոքի ցույցերի ժամանակ վերջին օրերին 16 մարդ է սպանվել: Այդ մասին հայտնել է Միրանդա նահանգի նահանգապետ Էնրիկե Կապրիլեսն իր Twitter-ում: Միայն հուլիսի 30-ին՝ Սահմանադրական վեհաժողովի ընտրությունների օրը, սպանվել է 11 մարդ, ևս 5 հոգի սպանվել էր հուլիսի 29-ին: Մարդիկ բողոքի ցույցերի են դուրս եկել ընդդեմ առանց հանրաքվեի Սահմանադրական վեհաժողով գումարելու նախագահ Նիկոլաս Մադուրոյի որոշման: Ավելի քան 100 մարդ բերման է ենթարկվել: Կապրիլեսը հայտարարել է, որ դա իր երկրի պատմության ամենամռայլ էջերից մեկն է: «Սա մեր հայրենիքի պատմության ամենամռայլ էջերից մեկն է: Վայր դրեք զենքը՝ արդեն 16 վենեսուելացի է սպանվել»,-գրել է նա, հայտնում է Gazeta.ru-ն: Ավելի վաղ հաղորդվել էր, որ Վենեսուելայում բողոքի ցույցերի ընթացքում 13 մարդ է զոհվել: Ասվում էր նաև, որ ԱՄՆ-ն կարող է պատժամիջոցներ սահմանել Վենեսուելայի նավթային ոլորտի, ինչպես նաև մի շարք պաշտոնյաների դեմ, հայտնում է ՏԱՍՍ-ը: Սահմանադրական վեհաժողով գումարելու մասին որոշումը Մադուրոն ընդունել էր մայիսին, քանի որ դա նախատեսվում էր անել առանց հանրաքվեի, դա հանգեցրեց իրավիճակի սրմանը երկրում, որտեղ արդեն մեկ ամիս հակակառավարական ցույցեր էին ընթանում: Ընդհանուր առմամբ բողոքների ժամանակ 120 մարդ է զոհվել, հազարավոր ցուցարարներ տուժել են: Իշխանությունները ձերբակալել են մոտ 4.900 ցուցարարի, որոնցից 1.400 դեռ կալանքի տակ են:   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
