Անկարա. Եվրամիությանը չպետք է վախեցնի Թուրքիայի հզորությունը 1 փետրվարի 2008 - 13:34 AMT PanARMENIAN.Net - Թուրքիայի անդամակցությունը Եվրամիությանը հսկայական ներդրում կլինի կազմակերպության համար: Այդ մասին հայտարարել է Թուրքիայի վարչապետի օգնական Ալի Սարիկայան: Նրա խոսքերով, ԵՄ-ն պետք է մտածի իր ապագայի մասին եւ Թուրքիան կազմակերպության այլ անդամ պետությունների համեմատությամբ կարող է մեծ ներդրում ունենալ նրա զարգացման մեջ: Փորձագետները գտնում են, որ Թուրքիայի հարցում Ֆրանսիայի եւ Գերմանիայի դիրքորոշումների հիմնական պատճառներից մեկն այն բանի ընկալումն է, որ ԵՄ-ին Թուրքիայի անդամակցության դեպքում ԵՄ առաջատարների եռյակը` Ֆրանսիան, Գերմանիան եւ Մեծ Բրիտանիան, ստիպված կլինեն տեղ ազատել: Թուրքիան, իր մեծ տարածքով, բնակչությամբ, տնտեսական եւ աշխարհաքաղաքական նշանակությամբ, նրանց հետ միասին կկազմի արդեն Եվրոպայի առաջատարների քառյակ: 2004 թվականին մեկնարկեցին ԵՄ-ին Թուրքիայի անդամակցության շուրջ բանակցությունները: Այդ կազմակերպությանը Թուրքիայի անդամակցման ձգձգման հիմնական պատճառներն են` քրդական խնդիրը, Հայաստանի հետ փակ սահմանը, Հայոց ցեղասպանության ճանաչման հարցը: Ըստ 2005 թվականի վիճակագրության, Թուրքիայի բնակչությունը 73 միլիոն է: Երկրում բնակվում են շուրջ 25 ազգային փոքրամասնություններ: Երկրի հիմնական բնակչությունը թուրքեր են: Երկրում գործում է շուրջ 80 հազար մեջիթ: Թուրքիայի բանակը երկրորդն է ՆԱՏՕ-ում իր քանակով եւ մարտական հզորությամբ: Թուրքական սպառազինությունների շուկայում վաճառքի տարեկան ծավալը կազմում է 3-5 մլրդ դոլար, գրում է «Թրենդը»: Հիշեցնենք, որ Ֆրանսիայի նախագահ Նիկոլյա Սարկոզին եւ Գերմանիայի կանցլեր Անգելա Մերկելը, ելույթ ունենալով Եվրոպայի ապագային նվիրված «Միասին կառուցենք մեր ապագան» խորհրդաժողովում դեմ հանդես եկան Թուրքիայի անդամակցությանը ԵՄ-ին: «Թուրքիան տեղ չունի Եվրամիությունում, քանի որ գտնվում է Փոքր Ասիայում: Եթե մենք անվերջ ընդլայնենք ԵՄ-ն, կոչնչացնենք քաղաքական Եվրոպան»,-ընդգծել է Ֆրանսիայի նախագահը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | ՀՀ և Ադրբեջանի սահմանազատման հանձնաժողովներն արձանագրություն են ստորագրել Կոորդինատները հստակեցվել են ԽՍՀՄ ԶՈւ ԳՇ 1976թ. տեղագրական քարտեզի համաձայն Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին |