 «Գահերի խաղի» 7-րդ եթերաշրջանի ավելի քան 1 մլրդ ապօրինի դիտում է գրանցվել 7 սեպտեմբերի 2017 - 13:47 AMT PanARMENIAN.Net - «Գահերի խաղի» 7-րդ եթերաշրջանի ավելի քան 1 մլրդ ապօրինի դիտում է գրանցվել: Այդպիսի արդյունք է ցույց տվել Muso ընկերության հետազոտությունը: Ըստ հետազոտության, ապօրինի դիտումների մոտ 84%-ը սթրիմներին է բաժին ընկնում: Տորենթներից օգտվել է օգտատերերի 9%-ը, այլ միջոցներվ է ներբեռնել 5,6%-ը: Մասնավոր տորենթները կազմել են 0,6%, գրում է Lenta.ru-ն: Նշվում է, որ եթերաշրջանի առաջին էպիզոդի ապօրինի դիտումները հեռարձակումից առաջին 72 ժամվա ընթացքում գերազանցել են 90 մլն: Վերջին սերիան նույն ժամանակահատվածում դիտվել է 120 մլն անգամ: Օգոստոսին հայտնի դարձավ, որ «Գահերի խաղի» 7-րդ եթերաշրջանի վերջին էպիզոդի առաջին ցուցադրությունը դիտել է ավելի քան 16 մլն մարդ, ինչը ռեկորդային ցուցանիշ է սերիալների համար: HBO հեռուստաալիքի «Գահերի խաղը» սերիալի վերջին 8-րդ եթերաշրջանը ընդամենը 6 սերիա կունենա: Այդպիսով վերջին եթերաշրջանն ամենակարճը կլինի՝ բոլոր նախորդ եթերաշրջանները 10 սերիայից էին բաղկացած, իսկ 7-րդը՝ 7 էպիզոդից: «Գահերի խաղն» ամերիկացի գրող Ջորջ Մարտինի «Սառույցի և կրակի երգը» վիպաշարի հիման վրա նկարահանվող հեռուստասերիալ է: Նախագիծը ղեկավարում են Դեվին Բենիոֆն ու Դենիել Վայսը, նկարահանումներն ընթանում են Իսլանդիայում, Մալթայում, Մարոկոյում, Խորվաթիայում, Հյուսիսային Իռլանդիայում: Սերիալը ցուցադրվում է 2011-ից, 2016-ի դրությամբ նկարահանված է 6 եթերաշրջան: Նախագիծը բազմաթիվ հեռուստատեսային մրցանակների է արժանացել, միաժամանակ հաճախ քննադատվում է բաց կամ դաժան տեսարանների ցուցադրության համար: Ընթերցեք նաև. «Գահերի խաղի» մոտիվներով բջջային խաղ կստեղծվի Հղումներ թեմայով.   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
