Մեքսիկայի երկրաշարժից ավելի քան 60 մարդ է զոհվել

9 սեպտեմբերի 2017 - 11:12 AMT

PanARMENIAN.Net - Մեքսիկայում հզոր երկրաշարժի զոհերի թիվը հասել է 61-ի: Զոհերը հիմնականում Օաքսակա նահանգից են, որտեղ տարերքը առնվազն 45 մարդու կյանք է խլել, ավելի քան 200 մարդ տուժել է:

Մինչև 8,1 մագնիտուդով ստորգետնյա ցնցումները գրանցվել են սեպտեմբերի լույս 8-ի գիշերը Մեքսիկայի հարավային մասում: Երկրաշարժի էպիկենտրոնը մերձափնյա տարածքում է եղել՝ Չյապաս նահանգի Պիհիհյապան քաղաքից մոտ 90 կմ հեռավորության վրա դեպի հարավ-արևմուտք: Ցնցումների հետևանքով առաջացած ցունամիի ալիքները չեն գերազանցել 70 սմ և վնաս չեն հասցրել, գրում է Deutsche Welle-ն:

Ավելի վաղ հայտնի դարձավ, որ Մատիաս Ռոներո քաղաքում հյուրանոցի շենքն է փլուզվել: Ավերածությունների իրական չափերը դեռ հայտնի չեն: Ըստ նախագահ Էնրիկե Պենյա Նետտոյի, տարերքի հարվածը ուժեղագույնն էր վերջին 100 տարվա ընթացքում: Ցնցումները զգացվել են նաև Մեքսիկայի մայրաքաղաք Մեխիկո սիթիում, որը գրեթե 1000 կմ հեռու է էպիկենտրոնից:

Հղումներ թեմայով.

ABC. Mexico's strongest earthquake in more than 80 years leaves 61 dead

Deutsche Welle: При землетрясении в Мексике погибли не менее 61 человека