Բրիտանացի փորձագետ. Կոսովոյի նախադեպը կարելի է օգտագործել նաեւ Ղարաբաղի հակամարտության պարագայում 6 փետրվարի 2008 - 16:34 AMT PanARMENIAN.Net - Չնայած, որ գրեթե ողջ միջազգային հանրությունը գտնում է, որ Կոսովոյին անկախության տրամադրումը այլ հակամարտությունների համար նախադեպ չի ստեղծի, Kings University-ում Միջազգային հարաբերությունների եւ ահաբեկչության բաժնի ղեկավար, բրիտանացի վերլուծաբան Անատոլ Լիվենը համաձայն չէ այդ կարծիքի հետ: Նրա խոսքերով, Կոսովոն եւ Լեռնային Ղարաբաղը տարբեր հակամարտություններ են, սակայն մի տարածաշրջանում կատարվող դեպքերը որոշակի ազդեցություն կունենան այլ տարածշրջանում կատարվողի վրա: Նա գտնում է, որ Կոսովոյի նախադեպը կարելի է օգտագործել նաեւ Լեռնային Ղարաբաղի հակամարտության պարագայում: «Ինչու՞ ոչ: Շատ հեշտ է ասել, որ նրանք բոլորը յուրահատուկ են, սակայն ամեն ինչ կախված է նրանից, թե ով է դա ասում»,- նշել է փորձագետը: «Ես չեմ հավատում, որ ռուսները կպաշտպանեն Լեռնային Ղարաբաղի հայերին. դա չի լինի Կոսովոյի անկախության ուղղակի ազդեցությունը: Սակայն հայերը, անկասկած, կոգեշնչվեն դրանից»,- գտնում է Լիվենը:Մեկնաբանելով Ռուսաստանի խոչընդոտումը Կոսովոյի անկախությանը եւ սատարումը Հարավային Օսիայի ու Աբխազիայի նման անջատողական վարչակարգերին` Լիվենը կանգ է առել երկու պատճառների վրա: «Առաջին հերթին, աբխազներն ու օսերը` Հարավային Կովկասի ժողովուրդները, ովքեր սերտ կապեր ունեն ռուսների հետ: Իհարկե, նրանք այլեւս չեն ցանկանում հուզումներ Հյուսիսային Կովկասում: Երկրորդ հերթին, ռուսները թշնամաբար են վերաբերվում վրացիներին եւ չեն պատրաստվում նրանց համար ինչ-որ բան անել, իսկ Ադրբեջանի հետ Ռուսաստանը փորձում է լավ հարաբերություններ կառուցել»,- ասել է Լիվենը: Վերլուծելով բարդությունները, որոնց բախվում է Արեւմուտքը, փորձելով հավասարակշռել մարդկանց անկախության կոչը գոյություն ունեցող պետությունների ամբողջականությունը պահպանելու ցանկության հետ` Լիվենն ասել է, որ դա մասամբ կախված կլինի այն բանից, թե ինչ կլինի հետագայում: Նրա խոսքերով, եթե խաղաղ բանակցությունների միջոցով Կոսովոն անկախություն ստանա, ապա ԱՄՆ քաղաքականությունը տարածաշրջանում կարելի կլինի հաջող համարել: «Իսկ եթե Կոսովոյի անկախությունը հանգեցնի ավելի լուրջ բախումների Սերբիայի հետ եւ ալբանական անջատողականության ներթափանցմանը Սերբիա, իսկ հետո Մակեդոնիա, ապա, իհարկե, ԱՄՆ-ի ողջ քաղաքականությունը տարածաշրջանում, սկսած 1999 թվականից եւ Կոսովոյի պատերազմից, կըննկալվի որպես աղետ: Սակայն մենք դեռ չգիտենք` ինչ կլինի»,- ասել է վերլուծաբանը, հաղորդում է Թրենդը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |