Գերմանիայում գյուղ են վաճառել՝ Երևանի կենտրոնում բնակարանի գնով

Գերմանիայում գյուղ են վաճառել՝ Երևանի կենտրոնում բնակարանի գնով

PanARMENIAN.Net - Գերմանական փոքր Ալվինե գյուղն աճուրդում վաճառվել է 140.000 եվրոյով անհայտ անձի: Մոտավորապաես նույն գնով կարելի է բնակարան գնել Երևանի կենտրոնում:

Գնորդը, որը վերջնական գումարն առաջարկել է հեռախոսով, իր գնումով «ցանկացել է ինչ-որ լավ բան անել», հայտարարել է Մատիաս Կնակեն՝ վաճառքով զբաղվող աճուրդի տան նախագահը:

Ալվինեում, որը Գերմանիայի մայրաքաղաքից մոտ 140 կմ հեռավորության վրա է, մոտ 20 բնակիչ կա, հիմնականում՝ թոշակառուներ: Տները գյուղում մասամբ քանդված են, մի մասն էլ վերանորոգման կարիք ունի: Գնորդի մասին հայտնի է, որ նա ապրում է Բեռլինում: Առաջիկայում նա մտադիր է հանդիպել Ալվինեի ղեկավարի հետ, գրում է Deutsche Welle-ն:

Ինչպես ասել է Կնակեն, գնորդի որոնումը բարդ խնդիր էր աճուրդի տան համար: Մի շարք պոտենցիալ գնորդներ գյուղ այցելելուց հետո հրաժարվել են գործարքից, քանի որ միջոցներ չեն ունեցել տների վերանորոգման համար: Անհայտ գործարարը գնման միակ հավակնորդն էր:

Մինչև Գերմանիայի միավորումը, Ալվինեն դասվում էր հարևան ածխի ֆաբրիկային: Սակայն շուտով ֆաբրիկան փակվեց և երիտասարդները հեռացան գյուղից: 2000-ին 2 եղբայր գնել էր գյուղը 1 մարկ սիմվոլիկ գումարով, սակայն գյուղի ավերումը շարունակվեց: Եղբայրներից մեկի մահից հետո, մյուս եղբայրը վաճառքի հանեց գյուղը: Մեկնարկային գինը 125.000 եվրո էր:

 Ուշագրավ
Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
Կավելացվեն ծախսերը նաև հատուկ նշանակության նախագծերի ֆինանսավորման համար
---