ՄԱԿ. Հայաստանի ՀՆԱ-ն 2017-ին կանխատեսվում է 5,8%

ՄԱԿ. Հայաստանի ՀՆԱ-ն 2017-ին կանխատեսվում է 5,8%

PanARMENIAN.Net - ՄԱԿ-ը Հայաստանի տնտեսության աճ է կանխատեսել 2017-ին մինչև 5,8%: Այդ մասին ասվում է ՄԱԿ Տնտեսական և սոցիալական հարցերի դեպարտամենտի զեկույցում, որտեղ հղում է արվում ՀՀ հայտարարած տնտեսական ակտիվության դինամիկ ցուցանիշներին:

Ըստ «Համաշխարհային տնտեսական վիճակն ու հեռանկարները - 2018» զեկույցի, ՀՀ տնտեսության աճը 2018-ին կկազմի 3,8%, իսկ 2019-ին՝ 3,6%: 2016-ի զեկույցում ՄԱԿ-ը ՀՀ համար կանխատեսել էր ՀՆԱ 2,7% աճ, իսկ 2018-ի համար՝ 3%:

ՌԴ-ից դրամական փոխանցումների ծավալների վերականգնումը նպաստում է Կովկասում և Կենտրոնական Ասիայում տնտեսական ակտիվության արագացմանը: ՀՀ-ում տնտեսությունը կտրուկ աճ է արձանագրել արդյունաբերության արագ աճի և պղնձի գների աճի պայմաններում, ասվում է զեկույցում:

Մինչդեռ, Ադրբեջանում 2017-ին տնտեսության անկում է արձանագրվում 1%-ի չափով, ՌԴ-ում և Վրաստանում՝ ՀՆԱ աճ 1,8% և 4,8% համապատասխանաբար:

Ըստ ՀՀ պետբյուջեի, ՀՆԱ աճը 2017-ին ծրագրված էր 3,2%, իսկ 2018-ին` 4,5%: Ըստ վերջին տվյալների, ՀԲ-ն տնտեսության աճ է կանխատեսում ՀՀ-ում 2017-ին մինչև 2.7%,ԱՄՀ-ն՝ մինչև 2.9%, Fitch-ը՝- 2.1%:

Հղումներ թեմայով.
 Ուշագրավ
ՌԱԷԿ-ի մասնագետները ներկայացրել են տեխնիկական սպասարկման և վերանորոգման ուղղությամբ տարվող աշխատանքը
Նա հավելել է, որ էկոնոմիկայի նախարարությունը բիզնեսի համար առավել կոնկրետ առաջարկներով հանդես կգա
Իրանից ներմուծվող ապրանքները մաքսազերծվում են այն գներով, որ տեղական արտադրողը չտուժի
Փոխնախարարի խոսքով՝ համակարգի շահառուների թիվը սրընթաց աճում է, և դա «ռիսկ է, որի հետ պետք է հաշվի նստել»