Ասոյան. Սուր շնչառական հիվանդությունների թիվն աճել է15 հունվարի 2018 - 14:13 AMT PanARMENIAN.Net - Հայաստանում սուր շնչառական հիվանդությունների, այդ թվում՝ գրիպի աճ կա, սակայն իրավիճակը վերահսկելի է և հարկ չկա խոսելու համաճարակի կամ նույնիսկ բռնկման մասին: Այս մասին լրագրողների հետ հանդիպման ժամանակ հայտարարել է ՀՀ ԱՆ գլխավոր համաճարակաբան Արա Ասոյանը: Ըստ վարակաբանի, այնպիսի վտանգավոր վիճակ չէ, որ դպրոցներում դասերի հետաձգման պահանջ լինի. «Դպրոցներում չունենք բացակայությունների այն քանակը, որ նախարարությունը գնա այդ քայլին»: Արա Ասոյանը նշել է, որ ինչպես նախորդ տարիների նույն ժամանակահատվածում, այս տարի ևս գրիպով և ՍՇՎ-ով հիվանդացությունն աճել է: «Սրանք սեզոնային հիվանդություններ են, որոնց այս օրերի տարածմանը նպաստում է նաև այն հանգամանքը, որ տոնական օրերին մարդկանց հետ շփումն ավելանում է։ Բնականաբար, տարվա ցուրտ ամիսները նույնպես կապ ունեն, վիրուսն իրեն շատ ավելի լավ է զգում հենց այս ժամանակ»,- նշել է Արա Ասոյանը՝ հավելելով, որ թեև սաստիկ ցրտեր չեն, բայց, այդուհանդերձ, ջերմաստիճանը ցածր է: Ինչ վերաբերում է մարդկանց մոտ ձևավորված այն կարծիքին, թե «ձյան գալով վիրուսը կմաքրվի, հիվանդացության դեպքերը կնվազեն», վարակաբանի խոսքերով՝ գիտական որևէ հիմնավորում չկա, որ ձյան գալը նպաստում է վիրուսի ոչնչացմանը, բայց կա վիճակագրություն. «Այն օրերին, երբ ձյուն է գալիս, դա վերաբերում է ոչ միայն Հայաստանին, այդ օրերին հիվանդությունները նվազում են»: Արա Ասոյանը հայտնել է, որ Հայաստանի հիվանդանոցներում գրիպով և ՍՇՎ-ով մոտ 670 հիվանդ կա, նրանցից մոտ 96 տոկոսը 0-4 տարեկան երեխաներն են: Նրա խոսքով՝ մեծահասակները նույնպես բավականին հաճախ են գրիպով և շնչառական այլ ինֆեկցիաներով հիվանդանում, բայց, որպես կանոն, տանն են բուժվում և բժշկի չեն դիմում: Իսկ եթե երեխան է հիվանդանում, նրան անմիջապես բժշկի մոտ են տանում կամ անմիջապես հիվանդանոց: Նրա խոսքով՝ վերջին երեք օրերին Երևանում դիմելիությունը պակասել է, իսկ մարզերում հակառակը՝ մի քիչ ավելացել։ Արա Ասոյանը միաժամանակ նշել է, որ Հայաստանում տարածված են А և В տեսակի գրիպի վիրուսները: Գրիպից և դրա բարդություններից խուսափելու նպատակով՝ առողջապահության նախարարությունը հորդորում է.խուսափե´ք գրիպանման երևույթներով հիվանդների հետ շփումից, եթե հիվանդ եք՝ մնացե´ք տանը, եթե հիվանդ եք, հրավիրեք տեղամասային մանկաբույժին, թերապևտին կամ ընտանեկան բժշկին և մի´ զբաղվեք նքնաբուժմամբ, մի´ օգտագործեք հակաբիոտիկներ, քանի որ դրանք ցուցված չեն գրիպի բուժման համար, հագնվե´ք եղանակին համապատասխան, պահպանե´ք հազի և փռշտալու վարվելակարգը, օգտագործե´ք հնարավորինս շատ հեղուկներ, հաճախակի օդափոխե´ք փակ տարածքները, հետևե´ք անձնական հիգիենային: Հղումներ թեմայով. Ուշագրավ Շենքի շուրջբոլորը ոստիկանությունը պատնեշներ է տեղադրել
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ Կիրանցեցիները փակել են Ոսկեպար տանող ճանապարհը Նրանք նշել են, որ հաշվի չեն առնվել իրենց դիտարկումները ՌԴ ԱԳՆ․ ՀՀ կողմից ՀԱՊԿ–ի ֆինանսավորման դադարեցումը ողբերգություն չէ Նա հավելել է, որ կազմակերպությունը շարունակում է աշխատանքը Porsche 911 մոդելի առաջին հիբրիդային տարբերակի մշակումը հաջողությամբ ավարտվել է Համաշխարհային պրեմիերան՝ մայիսի 28-ին |