Ադրբեջանցի ընդդիմադիրներ. Արտահերթ ընտրությունները դրանց կեղծումը հեշտացնելու միջոց են 5 փետրվարի 2018 - 15:34 AMT PanARMENIAN.Net - Ադրբեջանում արտահերթ նախագահական ընտրություններ անցկացնելու մասին որոշումը իշխանությունը պահպանելու փորձ է: Այդ մասին հայտարարել է Ադրբեջանի Ժողովրդավարական ուժերի ազգային խորհրդի նախագահ Ջամիլ Հասանլին: Ադրբեջանի նախագահ Իլհամ Ալիևը կարգադրություն է ստորագրել արտահերթ նախագահական ընտրություններ անցկացնելու վերաբերյալ: Ըստ կարգադրության, արտահերթ ընտրությունները կանցկացվեն 2018-ի ապրիլի 11-ին: Ըստ Հասանլիի, արտահերթ ընտրությունների անցկացման ոչ մի անհրաժեշտություն չկա: Նա նշել է, որ ընդամենը 3 շաբաթ առաջ հայտարարվեց, որ նախագահական ընտրությունները կայանալու են հոկտեմբերի 17-ին: Արտահերթ ընտրությունների մասին հայտարարությունը նշանակում է, որ իշխանություններն ինչ-որ գաղտնի մտադրություններ ունեն, գրում է contact.az-ը: «Ամեն դեպքում սոցիալ-տնտեսական վիճակի վատթարացումը երկրում նպաստում է իշխանությունների հեղինակազրկմանը, և այդ ֆոնին ձգտում կա վերահսկելի ԿԸՀ միջոցով ձևական ընտրություններ անցկացնել և պահպանել իշխանությունը ընտանիքի ձեռքում ևս 7 տարի»,-ասել է Հասանլին՝ խոսելով Ալիևի որոշման մասին: Իր հերթին «Մուսավաթի» նախկին առաջնորդ և այդ կուսակցությունից նախագահի թեկնածու Իսա Ղամբարն ասել է, որ իշխող ռեժիմը հասկանում է, որ եթե հոկտեմբերին կայանան ընտրությունները, ժողովրդի դժգոհությունն ավելի մեծ կլինի: «Իշխանությունները շտապում են կեղծել ընտրությունները և պահպանել իրենց իշխանությունը»: Ըստ 2016-ի սահմանադրական փոփոխությունների, Ադրբեջանի նախագահն ընտրվելու է յոթ տարի ժամկետով: Ավելի վաղ Ադրբեջանի իշխող «Յենի Ազերբայջան» կուսակցության գործադիր քարտուղարը հայտարարել էր, որ իրենց կուսակցությունից ընտրություններին կառաջադրվի գործող նախագահ Իլհամ Ալիևի թեկնածությունը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |