Ադրբեջանում հայերին երկիր թույլ չտալու չգրված օրենք է գործում

PanARMENIAN.Net - «Հայկական համայնքները Հարավային Կովկասի բոլո երկրներում հանդիսանում են տեղական սոցիումների հզոր տարրերից մեկը: Բացառություն է, իհարկե Ադրբեջանը: Խորհրդային Ադրբեջանում ապրող հայ համայնքը ամբողջովին լքել է երկիրը: Այսօր Ադրբեջանում հայերին երկիր թույլ չտալու չգրված օրենք է գործում, որտեղից էլ որ վերջիններս լինեն», գրում է Անտոն Կրեվենյուկը «Ցեղասպանության իրականացում. հայերն արգելված են Ադրբեջանում» հոդվածում` հրապարակված Քաղաքական ազաատության կենտրոնի կայքէջում: Հոդվածի հեղինակն ընդգծում է, որ եթե ազգանունն ավարտվում է «յան»-ով, ապա այդ մարդուն պարզապես տոմս չեն վաճառի Բաքվի չվերթի համար: «Ադրբեջանում ընդհանրապես շատ խիստ է գործում սահմանափակումը ամեն հայկականի համար: Օրինակ, որեւէ տեղ չեն բացվում .am կայքերը, որեւէ կերպ արգելված է օգտագործել հայերենը: Հանուն արդարության, արժէ նշել, որ Հայաստանում դրությունն այլ է: Ադրբեջանցիներին այստեղ դիմավորում են, չնայած զգուշությամբ, անվտանգության ուժերի մասնակցությամբ, սակայն նրանք տեղաշարժվելու հնարավորություն ունեն: Այլ հարց է, որ ադրբեջանցիներն այստեղ չեն գալիս: Ադրբեջանում ուղեւորությունը Հայաստան հասարակության կողմից ընկալվում է որպես քրեական հանցագործություն»,- ասվում է հոդվածում:
 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին