ԼՂՀ ժողովրդի անվտանգության ապահովումը հանդիսանում է հակամարտության կարգավորման կարեւորագույն խնդիրը13 հունիսի 2008 - 19:49 AMT PanARMENIAN.Net - ԼՂՀ ժողովրդի անվտանգության ապահովումը հանդիսանում է Ադրբեջանի հետ հակամարտության կարգավորման կարեւորագույն խնդիրը: Ղարաբաղի բնակչության այժմյան սերունդը լիարժեք ֆիզիկական ոչնչացման առաջ էր կանգնած 1992 թվականի լայնամասշտաբ ռազմական ագրեսիայի ժամանակ: Միայն բազմաթիվ մարդկային եւ նյութական կորուստների շնորհիվ հնարավոր եղավ դադարեցնել պատերազմը, որի մաս է դարձել գրեթե յուրաքանչյուր ղարաբաղյան ընտանիք, եղան հազարավոր զոհեր: Այդ պատճառով, անկախության խնդիրը ԼՂՀ-ի համար անմիջականորեն եւ ուղղակի կապված է կյանքի իրավունքի ապահովման հետ: Այդ մասին ասվում է արտաքին քաղաքականության եւ անվտանգության հարցերով անկախ փորձագետ, ԼՂՀ նախկին փոխարտգործնախարար Մասիս Մաիլյանի զեկույցում:Նա հիշեցնում է, որ Լեռնային Ղարաբաղի ինքնավար մարզի (ԼՂԻՄ) պատմության գրեթե ողջ ընթացքը վկայում է այն մասին, որ հենց անձի հիմնական իրավունքների` կյանքի եւ ազատության իրավունքի, Ադրբեջանի կողմից ժողովորդի իրավունքների ճնշումն է հանդիսացել է Լեռնային Ղարաբաղի հակամարտության խորքային պատճառը: «Փոխհարաբերությունների ողջ պատմության ընթացքում Ադրբեջանը բոլոր վարչակարգերի ժամանակ իրական սպառնալիք էր ներկայացնում Լեռնային Ղարաբաղի անվտանգության համար: Այդ պատճառով ԼՂՀ-ի եւ նրա ժողովրդի արտաքին անվտանգության ապահովումը այսօր եւս մնում է բավական էական խնդիր: Միեւնույն ժամանակ, ԼՂՀ-ն չի սպառնում Ադրբեջանի անվտանգ գոյատեւմանն ու զարգացմանը: Ընդհակառակը, Ադրբեջանից Լեռնային Ղարաբաղի իրավական անջատումից եւ հրադադարի կնքումից հետո, ԱՀ-ն տնտեսական բուռն զարգացում ապրեց: Տարածաշրջանում կայունության եւ անվտանգության պահպանման գործում կարեւոր դեր են խաղում ԼՂՀ զինված ուժերը: ԼՂՀ պաշտպանության բանակը զբաղվում է հետեւյալ հիմնարար խնդիրներով. առաջին հերթին, ԼՂՀ ժողովրդի անվտանգության ապահովում, երկրորդ հերթին փաստացի խաղաղապահ առաքելության իրագործում չկարգավորված հակամարտության պայմաններում: ԼՂՀ պաշտպանության բանակը պետք է դառնա միջազգային ռազմական համագործակցության մասնակիցը, այդ թվում ռազմա-կրթական բնագավառում»,- ընդգծում է Մաիլյանը: Նրա կարծիքով, միջազգային հանրության կողմից ԼՂՀ պետական անկախության ճանաչման հետաձգումը եւ Ադրբեջան նավթադոլարների հոսքը խթանում է Բաքվին ռազմատենչ բանակցային դիրքորոշում գրավել: «Ադրբեջանի նավթային շուկայում հսկայական ներդրումներ կատարած երկրների վրա մեծ պատասխանատվություն կա տարածաշրջանային խաղաղության պահպանման համար: Այդ երկրները պետք է մատնանշեն Ադրբեջանին իր ագրեսիվ դիրքորոշման անհեռանկար ապագան»,- ասվում է Կոնեկտիկուտի համալսարանում (ԱՄՆ) ընթերցված զեկույցում, հաղորդում է KarabakhOpen-ը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |