ՌԴ հատուկ ծառայություններն ադրբեջանցի լրագրողին լրտեսության մեջ են մեղադրում

PanARMENIAN.Net - Ռուսաստանի Անվտանգության դաշնային ծառայությունը (ԱԴԾ) կասկածում է Մոսկվայում աշխատող ադրբեջանցի լրագրող Նամիկ Հասանովին արտերկրի հատուկ ծառայությունների հետ կապեր ունենալու մեջ: Այդ մասին ադրբեջանական Haqqin.az-ին է հայտնել ինքը Հասանովը:

Ըստ նրա, վերջին 8 տարում նա աշխատել է տարբեր ռուսական և ադրբեջանական ԶԼՄ-ներում: 2016-18թթ. նա եղել է լրատվական գործակալություններից մեկի սեփական թղթակիցը:

Վերդառնալով Բաքու հերթական այցից հետո՝ ռուս-ադրբեջանական սահմանին ադրբեջանցի լրագրողնիմացել է, որ ԱԴԾ-ն նամակ է տարածել նրան լրտեսության մեջ կասկածելու վերաբերյալ: Ընդ որում, ոստիկանության մայորը հայտնել է, որ նա իր կարիերայի ընքացքում միայն 2 անգամ է նման նամակ ստացել: Նամակներից մեկը վերաբերել է հայտնի քրեական հեղինակությանը:

Հասանովին ուղեկցել են ադրբեջանական կողմ և զգուշացրել են, որ եթե նա ՌԴ վերադառնա, անհապաղ ձերբակալվելու է:

Լրագրողը, այդ ամենն անհեթեթ սխալ համարելով, նամակ է հղել ԱԴԾ ղեկավար գեներալ Բորտնիկովի անունով: Պատասխան նամակում միայն հաստատվել է, որ նրա մուտքը ՌԴ արգելվում է, իսկ այդ որոշումը չեղարկելու համար հիմքեր չկան:

Ոչ պաշտոնական կանալներով, Հասանովին հաջողվել է ճշտել, որ ԱԴԾ-ն կասկածում է նրան արտերկրի հատուկ ծառայությունների հետ բազմակի շփումներ ունենալու մեջ: