  Սերգեյ Կարագանով. Հարաբերությունների կարգավորումը Թուրքիայի եւ Հայաստանի միջեւ շահավետ է Ռուսաստանի համար 8 սեպտեմբերի 2008 - 14:47 AMT PanARMENIAN.Net - Հարաբերությունների կարգավորումը Թուրքիայի եւ Հայաստանի միջեւ շահավետ է Ռուսաստանի համար: Այդ մասին հայտարարել է ՌԴ Արտաքին եւ պաշտպանական քաղաքականության խորհրդի նախագահության նախագահ Սերգեյ Կարագանովը: «Էխո Մոսկվի» ռադիոկայանի եթերում նա հույս է հայտնել, որ այդ երկրների համագործակցությունը կկարողանա առավել մեծ կայունություն հաղորդել տարածաշրջանին: «Սա պատմական իրադարձություն է: Ցեղասպանության հետ կապված թշնամանքը Հայաստանի եւ Թուրքիայի միջեւ այն խոշոր գործոններից մեկն էր, որը որոշում էր նույնիսկ համաշխարհային քաղաքականությունը, շատ երկրների վերաբերմունքն այդ տարածաշրջանի հանդեպ: Այն, որ նրանք գնացին մերձեցման, նշանակում է, որ հաղթահարվում է անցյալ եւ նախորդ դարերից մեզ մնացած պատմական անդունդը»,-նշել է Ս.Կարագանովը: Բացի այդ, հավելել է նա, «սա եւս մեկ վկայությունն է այն բանի, որ համաշխարհային քարտեզը արագ շարժման մեջ է գտնվում»: «Միանգամայն հասկանալի է, որ Թուրքիան ու Հայաստանը մերձենում են ոչ միայն այն պատճառով, որ նրանք ներքուստ կարողացան հաղթահարել դարերով կուտակված կասկածները, այլ նաեւ այն պատճառով, որ զգում են համախմբման անհրաժեշտություն ի դեմս նոր վտանգների, գլխավորապես, տարածաշրջանային անկայունության»,-պարզաբանել է Ս.Կարագանովը: Սեպտեմբերի 6-ին Հայաստանի նախագահ Սերժ Սարգսյանի հրավերով` միասին դիտելու Հայաստանի եւ Թուրքիայի ֆուտբոլի հավաքականների խաղը, Երեւան ժամանեց Թուրքիայի նախագահ Աբդուլլահ Գյուլը: Մինչ խաղը տեղի ունեցած հանդիպման ժամանակ երկու նախագահները քննարկեցին երկկողմ հարաբերությունների կարգավորման հարցը, կարծիքներ փոխանակեցին տարածաշրջանում վերջին զարգացումների եւ խնդիրների վերաբերյալ: Հայաստանի նախագահը նշեց, որ երկխոսության դեպքում հնարավոր կլինի քննարկել ցանկացած, նույնիսկ ամենալուրջ խնդիրները: «Մենք պետք է ձգտենք լուծել առկա խնդիրները եւ չթողնենք դրանք հետագա սերունդներին»,-հավելել է Ս.Սարգսյանը: Նախագահները հայտարարել են, որ այս հանդիպումը խթան կհանդիսանա երկխոսությունը հետագայում եւս շարունակելու համար եւ ուղեցույց կհանդիսանա արտգործնախարարների հետագա գործունեության համար:   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   |  Բաժիններ թեմայով Սյուժե Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նաՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |
