Հայաստանում Թուրքիայի նախկին դեսպան. Անկարան պետք է անհապաղ հարաբերություններ հաստատի Երեւանի հետ15 սեպտեմբերի 2008 - 17:12 AMT PanARMENIAN.Net - Թուրքիայի նախագահ Աբդուլլահ Գյուլի այցը Երեւան կարող է հիմք դառնալ հայ-թուրքական հարաբերությունների հետագա զարգացման համար: Այդ մասին հայտարարել է 1991-93թթ. Հայաստանում Թուրքիայի դեսպան Վոլկան Վուրալը: Նրա կարծիքով, Թուրքիան պետք է անհապաղ հարաբերություններ հաստատի Երեւանի հետ: Ինչպես գրում է թուրքական Taraf թերթը, դիվանագետը նշել է, որ Հայաստանի ու Թուրքիայի միջեւ կան ինչպես քաղաքական, այնպես էլ բարոյական հարցեր: «Անցյալում տեղի ունեցած իրադարձությունների պատճառով երկու երկրների միջեւ անվստահություն կա, հոգեբանական վախ եւ սարսափի մթնոլորտ: Հարցը կարելի է լուծել միայն երկու ժողովրդների միջեւ երկխոսության ճանապարհով, որը պետք է հիմնված լինի վստահության եւ նոր մթնոլորտի ստեղծման վրա»,-ասել է նա: Վոլկան Վուրալը հիշեցրել է, որ թուրքական կառավարությունը նախապես որոշել էր ճանաչել նախկին խորհրդային հանրապետությունների անկախությունը եւ դիվանագիտական հարաբերություններ հաստատել նրանց հետ: «Եթե հարաբերություններ հաստատվեին Հայաստանի հետ, ապա պատմությունն այլ ընթացք կստանար` պատերազմ չէր ծավալվի Ղարաբաղի համար, Թուրքիան չէր ենթարկվի ճնշումների հայկական հարցի առիթով եւ այժմ ավելի շահեկան դիրքերում կլիներ: Ինչ վերաբերում է այն մտավախությանը, թե Հայաստանը կարող է պահանջել Թուրքիայից վերադարձնել իր հողները, ապա ասեմ, որ մեր բանակն իր թվաքանակով հավասար է Հայաստանի ողջ բնակչությանը: Այդ տեսակետից մենք պետք է ապահով զգանք մեզ»,-ասել է Վուրալը: Վոլկան Վուրալը Թուրքիայի առաջին եւ միակ դեսպանն էր անկախ Հայաստանում` նստավայրը` Մոսկվա: Այն դեպքում երբ Երեւանն Անկարայում ներկայացված չէր նույնիսկ ժամանակավոր հավատարմատարի մակարդակով: Ներկայումս միակ հայ դիվանագետը Թուրքիայում Սեւծովյան տնտեսական համագործակցության կազմակերպությունում Հայաստանի ներկայացուցիչ Կարեն Միրզոյանն է, որի նստավայրը Ստամբուլում է: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |