Կանխատեսում. 2040-ին մսի մեծ մասն արհեստական ծագում կունենա

Կանխատեսում. 2040-ին մսի մեծ մասն արհեստական ծագում կունենա

PanARMENIAN.Net - 2040-ին մսի 60 %-ն արհեստականորեն կաճեցվի կամ կփոխարինվի նմանատիպ համով բուսական մթերքով: Այդպես են կարծում AT Kearney ընկերության մասնագետները: Մարդիկ աստիճանաբար կհրաժարվեն անասնաբուծությունից:

«Այժմ շատերը մսարտադրության մեծ ոլորտն ընկալում են որպես անհարկի չարիք: Վեգանական փոխարինիչներն ու մշակաբույսերը դուրս կմղեն անասնապահությունը՝ դա միայն ժամանակի հարց է»,-ասվում է զեկույցում:

Գլխավոր պատճառներից մեկը, թե ինչու մարդկությունը կհրաժարվի սովորական մսի արտադրությունից, այն է, որ արդյունաբերական ֆերմերությունը բացասական ազդեցություն ունի բնապահպանության վրա՝ արտանետումներ, ջրավազանների աղտոտում և այլն:

Ներդրումներն արհեստական մսի ստեղծման համար բուսական բաղադրիչներ օգտագործող ընկերություններում, ինչպիսիք են Beyond Meat, Impossible Foods и Just Foods ընկերությունները, աճում են: Օրինակ, 2018-ի մայիսին Beyond Meat-ը 240 մլն դոլար ներդրում է ներգրավել:

«Հանրության անցումը բուսակերության և վեգանական կենսակերպի անվիճելի է, քանի որ մարդիկ գնալով ավելի շատ են ուշադրություն դարձնում շրջակա միջավայրի խնդիրներին ու կենդանիների բարեկեցությանը: Սակայն, մոլի մսակերները կկարողանան անփոփոխ թողնել իրենց սննդակարգը, վնաս չհասցնելով բնապահպանությանը»,-ասել է AT Kearney-ի գործընկեր Կարստեն Գերհարդը:

Արհեստական մսից բացի, ըստ գիտնականների, մարդիկ միջատներ կուտեն և ջրիմուռների կաթ կխմեն:

 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին