«Բարսելոնան» համաձայնեցրել է տրանսֆերը Գրիզմանի հետ

PanARMENIAN.Net - «Բարսելոնան» պայմանավորվել է «Ատլետիկոյի» հետ հարձակվող Անտուան Գրիզմանի տրանսֆերի վերաբերյալ:

Ֆրանսիացու պայմանագրում նշված է, որ հրաժարագինը կկազմի 120 մլն եվրո: Կատալոնացիները պայմանավորվել են 6 միլիոնով ավելի վճարել այն պայմանով, որ գումարը մի քանի մասնաբաժնով փոխանցվի: «Ատլետիկոյում» դեմ չեն նման տարբերակին, գրում է Lenta.ru-ն Sport.es-ի վրա հղումով:

Գործարքում կներառվի նաև «Բարսելոնայի» պաշտպան Նելսոն Սեմեդուն: Ակումբներին մնացել է միայն պայմանավորվել, թե որքան «Ատլետիկոն» կվճարի բրազիլացու համար:

Ավելի վաղ հայտարարվել էր, որ «Բարսելոնան» սառեցրել է Գրիզմանի շուրջ բանակցությունները՝ հաշվի առնելու համար բոլոր ռիսկերը: Նաև հայտնի դարձավ, որ դեմ էին կատալոնական ակումբի որոշ ֆուտբոլիստներ:

Գրիզմանը Եվրոպայի փոխչեմպիոն է և աշխարհի չեմպիոն Ֆրանսիայի հավաքականի կազմում: Նա հայտնի է իր ելույթներով Մադրիդի «Ատլետիկոյի» կազմում: Ակումբում լինելով 2014-ից ֆրանսիացի ֆուտբոլիստը 180 հանդիպման է մանակցել և 94 գոլի հեղինակ դարձել