Իջևանցի երեխաները ֆրանսերեն կսովորեն նոր դասասենյակում (վիդեո) 24 սեպտեմբերի 2019 - 16:46 AMT PanARMENIAN.Net - Իջևանի թիվ 1 հիմնական դպրոցում ֆրանսերենի նոր գունավոր դասասենյակն աշակերտների մեծ երազանքների կողքին մեկն էլ է ավելացրել. ուզում են ֆրանսերեն լավ սովորել, որ գնան Ֆրանսիան տեսնեն: Այս դասասենյակում դեռ մեկ ամիս առաջ միայն փայտյա աթոռներ, գրատախտակ ու մի հին պահարան էր: «Ստեփան Գիշյան» բարեգործական հիմնադրամն ու «Կայուն զարգացման հայկական հիմնադրամը» գունավորել են դպրոցի դասասենյակներից մեկը: Դպրոցում սովորող երեխաներն արդեն սկսել են կարդալ Ֆրանսիայից բերված գունավոր գրքերը: Մինչև տարեվերջ այստեղ սովորող բոլոր երեխաները կկարողանան ֆրանսերեն կարդալ: «Երեխաները մեծ ոգևորությամբ ուսումնասիրում են գրքերը, որոնք Ֆրանսիայից են բերվել: Անհրաժեշտ բոլոր տեխնիկան այժմ իրենք ունեն. համակարգիչ, պրոյեկտոր, էլեկտրոնային գրատախտակ, հեռուստացույց, ինչը, բնականաբար, ավելի՛ արդյունավետ, ավելի՛ հետաքրքիր կդարձնի այստեղ անցկացվող դասաժամերը: Այս դպրոցում մոտ 500 աշակերտ է սովորում և նրանք ֆրանսերեն լեզուն անցնում են 2-րդ դասարանից, իսկ անգլերենը՝ 5-րդ դասարանից: Այստեղ ֆրանսերենն առաջնային է»,- իր խոսքում նշել է «Ստեփան Գիշյան» բարեգործական հիմնադրամի տնօրեն Աննա Գիշյանը: «Երկու հիմնադրամները ունեն նույն գաղափարախոսությունը: Սա բնագավառ է, որտեղ իրոք կարիքը կա ներդրում անելու: Երեխաների էնտուզիազմը ինձ ոգևորում է ու ավելի մեծ է դարձնում ցանկությունը, որ ծրագիրը շարունակական լինի»,- իր խոսքում նշել է «Կայուն զարգացման հայկական հիմնադրամի» հոգաբարձուների խորհրդի նախագահ Ալեն Տուհադյանը: «Ստեփան Գիշյան» բարեգործական հիմնադրամը ստեղծվել է 2015-ին՝ ԱԿԲԱ-ԿՐԵԴԻՏ ԱԳՐԻԿՈԼ Բանկի, Ֆրանսիական Կրեդիտ Ագրիկոլի, Կրեդիտ Ագրիկոլ Ազգային Ֆեդերացիայի և Գիշյան ընտանիքի կողմից: Մանրամասն՝ տեսանյութում: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Ադրբեջանում ԱՄՆ դեսպանը՝ Շուշի չայցելելու մասին․ Դեռևս պատրաստ չեմ Նա մտահոգիչ է անվել մամուլի և քաղհասարակության ճնշումները՝ հավելելով, որ դա «տասնամյակներով հետ կշպրտի Ադրբեջանը» Հնդկաստանն արդիականացրել է ՀՀ մատակարարված հրետանային համակարգերը՝ նոր էլեկտրոնիկա տեղադրելով Հրետանային համալիրներում տեղադրվել են պարզեցված ինտերֆեյսով բալիստիկ համակարգիչներ Ողջաբերդ գետի հենապատի փլուզման հետևանքով Նոր Արեշում տներ են հեղեղվել Իրականացնում են գետի հունի մաքրման, երկաթբետոնե կառուցատարրերի տեղափոխման |