Բազային աշխատավարձը կբարձրանա. Դրա հիմքով հաշվարկվում է պետաշխատողների աշխատավարձը 2 հոկտեմբերի 2019 - 15:20 AMT PanARMENIAN.Net - Ազգային Ժողովը քննարկել է «Իմ քայլը» խմբակցության պատգամավորներ Բաբկեն Թունյանի, Վարազդատ Կարապետյանի և Նարեկ Զեյնալյանի հեղինակած «Նվազագույն ամսական աշխատավարձի մասին» ՀՀ օրենքում փոփոխություններ կատարելու մասին» օրինագիծը։ Պատգամավորներն առաջարկում են նվազագույն ամսական աշխատավարձը 55 հազար դրամից դարձնել 63 հազար դրամ, իսկ կառավարության առաջարկն է դարձնել 68 հազար դրամ, հայտնում է Panorama.am-ը: ԱԺ առողջապահության և սոցիալական հարցերի մշտական հանձնաժողովի սեպտեմբերի 26-ի նիստում նախագծի համահեղինակ Բաբկեն Թունյանի համար կառավարության առաջարկն ընդունելի էր, սակայն, ռիսկային: Պատգամավորն առաջարկել էր նվազագույն աշխատավարձը բարձրացնել փուլային եղանակով. 2020թ-ի հունվարի 1-ից սահմանել 63.000 դրամ, իսկ 2021թ-ի հունվարի 1-ից՝ 68.000դրամ: Քննարկումների արդյունքում հանձնաժողովը քվեարկությամբ ընդունել է Կառավարության առաջարկը: Նախագծի հիմնական զեկուցող Վարազդատ Կարապետյանը նշել է, որ ներկայումս նվազագույն ամսական աշխատավարձը 55 հազար դրամ է։ Նրա խոսքով՝ սկզբում առաջարկել են բարձրացնել մինչև 63 հազար դրամ, և այդ չափը սահմանելու հիմնական պատճառն այն էր, որ չազդեին բազային աշխատավարձի վրա, որը հիմա 66 հազարից ավելի է և դրանով պայմանավորված հաշվարկվում են պետական աշխատողների աշխատավարձերը։ «Համայնքներում մեր հանդիպումները ցույց էին տալիս, որ բազմաթիվ մարդկանց՝ հատկապես համայնքային ոչ առևտրային կազմակերպություններում աշխատող, աշխատավարձը ֆիքսված էր նվազագույն աշխատավարձի չափով, և նրանք բողոքում էին ցածր աշխատավարձից։ Եվ մենք բազմաթիվ քննարկումների արդյունքում որոշեցինք առաջարկել նվազագույն աշխատավարձի բարձրացում»,- ընդգծել է պատգամավորը։ Վարազդատ Կարապետյանի խոսքով՝ կառավարությունն էլ առաջարկել է նվազագույն աշխատավարձը դարձնել 68 հազար դրամ: Այս դեպքում, ըստ նրա, կբարձրանա բազային աշխատավարձը, արդյունքում նաև փոփոխություններ պետք է լինեն «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում, ինչն արդեն արվել է։ Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել Զաքարյան․ Չեմ ճանաչում երկիր, որը թշնամաբար տրամադրված իր հարևանի հետ անվտանգության երաշխիք համարի սահմանին տնկած սյունը Նա նշել է, որ սա «բոլոր հարցերում խորը կախվածության մեջ գցելու թշնամական գործընթաց է» |