Փաշինյանը՝ ԵՊՀ ՈւԽ նախագահին բերման ենթարկելու մասին. Սխալմունք էր26 դեկտեմբերի 2019 - 14:01 AMT PanARMENIAN.Net - ՀՀ վարչապետ Նիկոլ Փաշինյանը, կառավարության նիստում խոսելով մարդու իրավունքների մասին և անդրադառնալով ԵՊՀ ուսխորհրդի նախագահին բերման ենթարկելու միջադեպին, ասել է, որ սխալմունք է տեղի ունեցել: Կառավարությունն ընդունել է «ՀՀ մարդու իրավունքների պաշտպանության ազգային ռազմավարությունը և դրանից բխող 2020-2022թթ. Գործողությունների ծրագիրը հաստատելու մասին» որոշման նախագիծը: «Վերջին օրերին ԵՊՀ-ի դեպքը շատ քննարկվում է, պետք է խոստովանել, որ տեղի է ունեցել սխալ, որը իր հետ պետք է բերի հետևանքներ: Մենք այսօր երկու վիճակ ունենք. մի կողմից այսօր կա չափազանցված ագրեսիվության պրոբլեմ, և երբ շատ հետևողականորեն պայքարում ես դրանց դեմ, սկսում է համակարգում չափազանցված պասիվության պրոբլեմ», - ասել է նա՝ հավելելով, որ ՀՀ-ում մարդու իրավունքները պետք է պաշտպանված լինեն: Վարչապետը հավելել է, որ հաճախ ոստիկանությունը, իրավապահ համակարգի մյուս ներկայացուցիչները, չարդարացված ագրեսիվություն են ցուցաբերում, դա կոնկրետ պատճառ ունի՝ դա բավարար կրթության, իրազեկվածության, գրագիտության պակասն է, բայց, խնդիրը լուծելու համար, պետք է առաջին հերթին խոստովանել դրա առկայությունը: Դեկտեմբերի 24-ին Դավիթ Ափոյանը ձեռնաշղթաներով բերման էր ենթարկվել ԵՊՀ բակում օրեր առաջտեղի ունեցած խուլիգանության դեպքի առթիվ քննվող քրեական գործի շրջանակում: Մի քանի ժամ անց նա ազատ էր արձակվել: Ափոյանը վկայի կարգավիճակ ունի այդ գործով: Ոստիկանության ներքին անվտանգության վարչությունում կատարվում է ծառայողական քննություն՝ ԵՊՀ ուսխորհրդի նախագահ Դավիթ Ափոյանի բերման ենթարկվելու դեպքով ոստիկանության ծառայողների գործողությունների իրավաչափությունը ստուգելու նպատակով: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին |