73-ամյա Շերը՝ Dsquared2-ի նոր գովազդային արշավի դեմքը

73-ամյա Շերը՝ Dsquared2-ի նոր գովազդային արշավի դեմքը

PanARMENIAN.Net - 73-ամյա ամերիկահայ hայտնի երգչուհի և դերասանուհի Շերը (Շերիլին Սարգսյան) դարձել է Dsquared2 նորաձևության բրենդի գարուն-ամառ հավաքածուի գովազդային արշավի դեմքը: Առաջին լուսանկարում, որը հրապարկվել է բրենդի Instagram-ում, 73-ամյա երգչուհին ICON գրությամբ հագուստով է:

Գովազդային արշավը Dsquared2-ի համար լուսանկարել են Մերտա Ալասն ու Մարկուս Պիգոտան, գրում է Esquire.ru-ն:

Լուսանկարների շարքը նվիրված է Dsquared2-ի 25-ամյա հոբելյանին:

Շերի համար սա հազվադեպ, բայց ոչ առաջին մասնակցությունն է նորաձևության գովազդային արշավին: Նա, օրինակ, լուսանկարվել է Marc Jacobs-ի 2015-ի աշուն-ձմեռ հավաքածուին նվիրված գովազդային արշավում:

Dsquared2-ը, իր հերթին, հաճախ է հրավիրում գովազդում նկարահանվելու առաջին մեծության աստղերի և սուպերմոդելների: Օրինակ, վերջին հերոսներից էին Նաոմի Քեմփբելն ու Բելլա Հադիդը:

 Ուշագրավ
Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում
Այդ են վկայում The Lancet Infectouse Diseases և The Lancet Public Health հանդեսներում հրապարակված հետազտությունների արդյունքները
---