Մաքսային ձևակերպում չունեցող մոտ 12 տ շարժիչային յուղ է առգրավվել 5 մարտի 2020 - 14:38 AMT PanARMENIAN.Net - Պետական եկամուտների կոմիտեն մաքսային ձևակերպում չունեցող մոտ 12 տոննա շարժիչային յուղ է հայտնաբերել: Օպերատիվ տվյալներ էին ստացվել, որ բեռնատարով, առանց մաքսային ձևակերպման, կազմակերպվում է Վրաստանից Հայաստան մեծ քանակությամբ մեքենայի շարժիչի յուղի ներմուծում։ Պարզվել է, որ քաղաքացի Ա․Տ.-ի վարած բեռնատարը՝ գտնվելով օպերատիվ վերահսկողության ներքո, փետրվարի 26-ին մուտք է գործել ՊԵԿ Բագրատաշենի մաքսային բաժնի տարածք, կշռվել ու կայանվել մաքսային հսկողության գոտում։ 3 օր անց բեռնատարը, առանց մաքսային ձևակերպումների, անարգել դուրս է եկել մաքսայինից, ուղևորվել Տավուշի Այրում քաղաք, որտեղ հետագա շարժը կանխվել է ՊԵԿ կողմից: Առերևույթ հանցագործությունների դեպքերի առթիվ հարուցվել է քրեական գործ՝ ՀՀ քրեական օրենսգրքի համապատասխան հոդվածներով։ Մեքենայի բեռնախցիկի խուզարկությամբ հայտնաբերվել է մոտ 12 տ շարժիչային և կոմպրեսորային յուղ։ Միաժամանակ, վարորդի խցում գտնվող թաքստոցից մոտ 130 տուփ դեղամիջոց է գտնվել։ Բեռնատարը և ապրանքներն առգրավվել են։ Կատարվում է հետաքննություն, միջոցներ են ձեռնարկվում հանցավոր շղթայում ներգրավված անձանց շրջանակը, ինչպես նաև պետությանը պատճառված վնասի վերջնական չափը հստակեցնելու ուղղությամբ։ Ծանուցում. ենթադրյալ հանցանքի համար կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։ Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |