ՊԵԿ. ՀՀ ներկրված և վաճառքի խնդիր ունեցող մեքենաների մասով անելիք չունենք 6 մարտի 2020 - 15:26 AMT PanARMENIAN.Net - Հայաստան արդեն իսկ ներկրված և վաճառքի խնդիր ունեցող մեքենաների մասով պետությունն անելիք չունի, Ազգային ժողովում հայտարարել է Պետական եկամուտների կոմիտեի նախագահ Դավիթ Անանյանը, գրում է «ՍիվիլՆեթը»: Այս մասին Անանյանն ասել է ի պատասխան ԲՀԿ-ական պատգամավոր Վարդևան Գրիգորյանի այն դիտարկմանը, թե արդյոք պետությունն ինչ-որ բան անում է այդ մարդկանց համար, որոնք արտահանման նպատակով հազարավոր մեքենաներ են ներկրել ՀՀ՝ վարկեր են վերցրել և չեն կարողանում վաճառել մեքենաներն ու մարել վարկերը: Անանյանը նշել է, որ պետությունն անելիք ունի այն մեքենաների պարագայում, որոնք մարդիկ դեռ չեն հասցրել ներկրել Հայաստան: «Խոսքը վերաբերում է այն ավտոմեքենաներին, որոնց տերերը չեն հասցրել մինչև հունվարի 1-ը դրանք ներկրել Հայաստան, և հիմա ստիպված են նոր կարգով մաքսազերծում անել: Այդ մեքենաների թիվը հասնում է 800-1000-ի»,- պարզաբանել է ՊԵԿ նախագահը՝ նշելով, որ այս հարցի կարգավորման համար պետությունը ԵԱՏՄ շրջանակում բանակցություններ է վարում: ՊԵԿ նախագահը, սակայն, տեղեկություն չի հայտնել բանակցությունների վերաբերյալ: «Լիազորված չեմ որևէ բան ասելու: Բացի այդ, վերջնական տեղեկություն չունեմ այն մասին, թե բանակցությունները որ փուլ են հասել: Ամեն դեպքում մենք այդտեղ որոշակի կառուցողական պարտականություն ունենք, որը փորձում ենք իրականացնել»,- ասաց նա: 2020-ի հունվարից Ղազախստանի իշխանությունների կիրառած սահմանափակումների պատճառով ավտոմեքենաների վաճառքը Հայաստանում կտրուկ դանդաղել է: Խնդիրը Հայաստանի առաջարկով քննարկվելու է Եվրասիական տնտեսական հանձնաժողովում: Հայաստանում 2019-ին, ԵԱՏՄ անդամակցելու արտոնյալ ռեժիմով պայմանավորված, ավտոներկրման բում է գրանցվել: Ոլորտում ներգրավված հայաստանցիների թիվը ոչ պաշտոնական տվյլաներով հասել է 20 000-ի: 2018-ի համեմատ՝ 2019-ին Հայաստան է ներկրվել շուրջ երեք անգամ ավելի ավտոմեքենա՝ 189 000։ Այդ մեքենաների հիմնական շուկան Ղազախստանն էր։ Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |