Իրանից եկած 857 վարորդ ՀՀ ամբողջ տարածքում հսկողության տակ են եղել10 մարտի 2020 - 14:59 AMT PanARMENIAN.Net - Կորոնավիրուսի տարածմամբ պայմանավորված Իրան-Հայաստան սահմանային հատումները սահմանափակող ՀՀ կառավարության որոշման համաձայն` Մեղրիի անցակետից մուտք գործած 857 վարորդի (որից 228-ն՝ Իրանի քաղաքացի) հանդեպ սահմանվել է հսկողություն Հայաստանի ամբողջ տարածքում, այդ թվում՝ ՊԵԿ մաքսային պահեստներում, մինչև նրանց հետ վերադարձը: Իսկ Հայաստանի քաղաքացի վարորդների նկատմամբ հսկողությունը սահմանվել է ըստ բնակության վայրի, ասվում է Առողջապահության նախարարության հայտարարության մեջ: Մեղրիի անցակետից եկող բոլոր բեռնատարները տեղաշարժվել են ոստիկանության ուղեկցությամբ և ԱՆ մասնագետների պարբերաբար հսկողությամբ: Շարունակվում է պետսահմանի անցակետերում ուժեղացված հսկողությունը: Ներկայումս 14-օրյա բժշկական հսկողությունն իրականացվում է Իրանից, Իտալիայից, Չինաստանից, Ճապոնիայից, Հարավային Կորեայից ժամանած ուղևորների նկատմամբ՝ անկախ քաղաքացիությունից (երկրների ցանկում ավելացվելու են Ֆրանսիան, Գերմանիան և Իսպանիան): Մարտի 9-ի տվյալներով՝ ՀՀ-ում կորոնավիրուսով պայմանավորված 211 հետազոտություն է իրականացվել՝ 1 դրական արդյունքով: Երևանում են Առողջապահության համաշխարհային կազմակերպության տարածաշրջանային փորձագետները, ովքեր կորոնավիրուսային հիվանդության դեմ պայքարի ուղղությամբ հոսպիտալային պատրաստվածության և լաբորատոր հետազոտությունների գնահատում են իրականացնելու: Հիվանդությունների վերահսկման և կանխարգելման ազգային կենտրոնում ձևավորվել է «Օպերատիվ զանգերի կենտրոն», հեռախոսահամարը` 060 83 83 00, որն աշխատում է շուրջօրյա: Մարտի 10-ի տվյալներով՝ ամբողջ աշխարհում կորոնավիրուսով վարակվածների թիվը մոտ 113,000 է, նրանցից մոտ 80,000-ը Չինաստանում են: Վիրուսից աշխարհում մահացել է մոտ 4024 մարդ, ևս 64,000-ը ապաքինվել են: Առողջապահության համաշխարհային կազմակերպությունը հայտարարել է, որ վիրուսի դեմ պատվաստանյութ դեռ չկա: Խորհուրդ է տրվում կորոնավիրուսից խուսափելու համար հաճախ լվանալ ձեռքերը, պահել հիգիենայի կանոնները և չդիպչել դեմքին, քթին, բերանին: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների Միրզոյանն ու Բայրամովը ողջունել են առաջընթացը սահմանազատման հարցում և պայմանավորվել շարունակել բանակցությունները Բանակցությունները կշարունակվեն բաց հարցերի շուրջ, որտեղ դեռ կան տարաձայնություններ |