Կաննի փառատոնը հետաձգվում է

Կաննի փառատոնը հետաձգվում է

PanARMENIAN.Net - Կաննի միջազգային կինոփառատոնն անորոշ ժամանակով հետաձգվում է՝ COVID-19 կորոնավիրուսի պանդեմիայի պատճառով, ասվում է փառատոնի կայքում։

Կինոփառատոնը պետք է կայանար մայիսի 12-23-ը, այժմ դիտարկվում է հունիսի վերջ-հուլիսի սկիզբ տարբերակը։

Ֆրանսիայում հայտարարված է պանդեմիայի 3-րդ աստիճան՝ մարդիկ առանց ծայրահեղ անհրաժեշտության դուրս չեն գալիս փողոց։

«Գլոբալ առողջապահական այս ճգնաժամի շրջանում մենք համերաշխություն ենք հայտնում բոլոր նրանց, ովքեր պայքարում են կորոնավիրուսի դեմ։ Այսօր մենք որոշել ենք՝ Կաննի կինոփառատոնը չի կարող անցկացվել նախատեսված ժամկետում՝ մայիսի 12-23-ը։ Դիտարկվում են տարբեր տարբերակներ՝ հիմնականն այն հունիսի վերջ-հուլիսի սկիզբ հետաձգելն է»,- ասվում է հայտարարության մեջ։

ՀՀ-ում մարտի 16-ից մինչև ապրիլի 14-ն արտակարգ դրություն է՝ կորոնավիրուսի տարածումը կանխելու համար: Մարտի 20-ի առավոտվա դրությամբ երկրում վարակի 136 հաստատված դեպք կա, մեկն առողջացել է:

Առողջապահության նախարարությունում գործում է շուրջօրյա «թեժ գիծ» ծառայություն 8003 և «օպերատիվ զանգերի կենտրոն» 060838300 հեռախոսահամարներով:

 Ուշագրավ
Նա նշել է, որ Ցեղասպանության զոհ գնաց նաև հայկական մշակութային ժառանգության հսկայական մասը
Պետրոսյանն օգտագործել է Տերյանի ու Զարյանի բանաստեղծությունները
2020-ին մրցույթին պետք է մասնակցեր 13-ամյա Մալենան
Բացահայտման մասին հայտնել է Ամստերդամում Վան Գոգի թանգարանը։