Պարտադիր լիցենզավորումից մինչև ներառականություն և անվտանգություն․ Նախադպրոցական կրթության մասին օրինագիծը` ԱԺ-ում 5 մայիսի 2020 - 17:04 AMT PanARMENIAN.Net - ՀՀ-ում նախադպրոցական ուսհաստատությունները կապահովեն սաների առաջնային բուժսպասարկումը, կլինեն մատչելի և ներառական, հայտնել է Կրթության, գիտության, մշակույթի և սպորտի նախարար Արայիկ Հարությունյանը։ Նա նշել է, որ ԱԺ-ում քննարկումների արդյունքում օրինագիծը որոշ փոփոխություններ է կրել. մասնավորապես` սահմանվել են նախադպրոցական կրթության նպատակներն ու խնդիրները, ավելացվել որակյալ, մատչելի և ներառական նախադպրոցական կրթության ապահովումը։ «Ամրագրվել են նախադպրոցական ուսհաստատություն ընդունվելու առաջնահերթության իրավունքից օգտվող խմբերը (1-ին կամ երկրորդ կարգի հաշմանդամություն ունեցող, 3 և ավելի երեխա ունեցող, զինծառայող ծնողի երեխաները), նկարագրվել են նախադպրոցական կրթական ծրագրի բաղադրիչները, երեխաների բուժսպասարկման մասով ավելացվել է դրույթ, ըստ որի նախադպրոցական ուսհաստատությունն ապահովում է սաների առաջնային բուժսպասարկումը և անվտանգությունը։ Վերանայվել է նախադպրոցական ուսհաստատություններում սննդի կազմակերպման հոդվածը, ավելացվել են երեխաների իրավունքներին առնչվող դրույթներ»,-ասել է նախարարը։ Հարությունյանը հայտնել է նաև, որ նախադպրոցական հաստատություններում աշխատող մանկավարժները տարեկան մեկ անգամ պարտադիր բուժզննում կանցնեն։ «Իմ քայլը» խմբակցության պատգամավոր, ԿԳՄՍ մշտական հանձնաժողովի անդամ Սոֆյա Հովսեփյանը նշել է, որ օրինագիծն առաջարկում է զարգացման կենտրոնների պարտադիր լիցենզավորում՝ համապատասխան կրթական չափորոշիչի հիման վրա։ Նրա խոսքով, ըստ նախագծի` նախադպրոցական ուսհասատությունների դայակները, դաստիարակները, մեթոդիստներն ու տնօրենները մանկավարժ են համարվելու։ Հովսեփյանը նշել նաև, որ նախադպրոցական տարիքի երեխաներ են համարվում 0-6 տարեկանները։ Մայիսի 6-ին ԱԺ-ում օրենքը երկրորդ ընթերցմամաբ քվեարկության կդրվի։ Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում են Կիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ Եվրահանձնաժողովի գլխավոր տնօրենը կժամանի Հայաստան Այցը տարածաշրջանային է |