Թաթոյան․ ՄԻՊ-ը ոչ թե պետությանն է քաղքացուց պաշտպանում, այլ՝ հակառակը12 մայիսի 2020 - 14:59 AMT PanARMENIAN.Net - Ազգային ժողովում անհրաժեշտ է մանրամասն պարզաբանել միջազգային այն կանոնը, որ Մարդու իրավունքների պաշտպանը ոչ թե պաշտպանում է պետությանը քաղաքացուց, այլ՝ քաղաքացուն պետությունից, հայտարարել է Օմբուդսմեն Արման Թաթոյանը՝ անդրադառնալով ԱԺ-ում 2019-ի գործունեության զեկույցի ամփոփիչ քննարկմանը։ Թաթոյանը պատգամավորների ելույթները 3 մասի է բաժանել` քաղաքական ելույթներ, քաղաքական ելույթներ, որոցում անդրադարձ կար մարդու իրավունքներին, և ելույթներ, որոնք վերաբերում էին մարդու իրավունքների կոնկրետ խնդիրներին: ՄԻՊ-ը հայտնել է, որ չի անդրադառնալու քաղաքական ելույթներին և, չնայած խորհրդարանում քննարկվել է իր ղեկավարած կառույցի զեկույցը, պատգամավորների ելույթները մեծ մասամբ կամ ատելության խոսքի մասին էին, կամ զեկույցին չէին առնչվում։ «Միջազգային իմիջի տեսանկյունից էլ ցանկալի չէր այդքան շատ քննարկում նվիրել ատելության խոսքին, որովհետև ՄԻՊ-ի զեկույցի քննարկումը, այն էլ՝ տարին մեկ անգամ ու մի ամբողջ օր նվիրել այդ հարցին։ Կարծում եմ` կարելի էր անդրադառնալ այլ խնդիրների ևս, առավել ևս, որ դրանք շարադրված են 1200-ից ավելի էջերում»,- ասել է Թաթոյանը: Նրա խոսքով՝ իր զեկույցներն օբյեկտիվ են և դրանցում կա դրական դինամիկա, սակայն կարելի էր անդրադառնալ նաև այնպիսի հարցերի, թե ինչու են մարդիկ «ամիսներով մոռացվում հոգեբուժարաններում, ինչու երկրում չունենք հոգեբույժների բավարար քանակ» և այլն։ «Իմ քայլը» խմբակցության պատգամավոր Վաղարշակ Հակոբյանը նշել էր, որ ՄԻՊ զեկույցում առկա ձևակերպումը, թե «կինն ինքնուրույն, իրավատեր և արժանապատիվ մարդ է», անընդունելի է, այն արդիական կլիներ 20-րդ դարի 20-30-ական թվականներին։ Պատգամավորը հորդորել էր կանանց իրավունքներին անդրադառնալ առավել համապարփակ։ Թաթոյանն արձագանքել էր այս դիտարկմանը և Հակոբյանին զգուշացրել՝ ձայնը չբարձրացնել մարդու իրավունքների պաշտպանի վրա և չխոսել իր հետ «իշխանական դիրքերից», «չսպառնալ ՄԻՊ-ին»։ Նա նշել էր, որ կանանց իրավունքներին իր զեկույցում հսկայական բաժին է նվիրված, իսկ պատգամավորը չգիտի, որ ՄԻՊ-ը կանոնադրությամբ չի աշխատում։ Թաթոյանի ելույթին արձագանքել էր ԱԺ նախագահ Արարատ Միրզոյանը` նկատելով, որ իր համար անընդունելի է ՄԻՊ-ի անհանդուրժող վերաբերմունքը պատգամավորներից մեկի ելույթի առնչությամբ: Միրզոյանի կարծիքով` ՄԻՊ-ն ավելի հարգալից պետք է լինի պատգամավորների հանդեպ, և առհասարակ` բոլորը բոլորի հանդեպ պետք է հարգալից լինեն։ Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ՌԴ ԱԳ փոխնախարար․ Կարևոր է, որ Ալմաթիի շփումները եռակողմ պայմանավորվածությունների հունով են գնում «Սատարում ենք Աստանայի ջանքերին այդ ուղղությամբ»,–ասել է նա Էրդողանը հրատապ հանդիպում է անցկացրել՝ նրան հայտնել են ռազմական հեղաշրջման փորձի հավանականության մասին Հանդիպման ընթացքում քննարկվել են այդ ուղղությամբ կանխարգելիչ քայլեր իրականացնելու վերաբերյալ հարցեր Գալուզին․ ԵՄ առաքելությունը գործում է ՀՀ հարևանների՝ Ադրբեջանի և Իրանի դեմ, հակառուսական քարոզչություն տանում Նա ասել է, որ առաքելությունը հաշվետու չէ «ոչ Հայաստանին, ոչ Ադրբեջանին, ոչ այլ շահագրգիռ երկրներին ու կառույցներին» ՀՀ և Հնդկաստանի ՊՆ–ները ստորագրել են 2024-2025 թթ. գործակցության պլանը․ Աշխատանքային խումբ կստեղծվի Քննարկվել են նաև տարածաշրջանային անվտանգությանն առնչվող հարցեր |