«Լիդիան Արմենիան» մտադիր է վերսկսել Ամուլսարում աշխատանքը12 հունիսի 2020 - 12:27 AMT PanARMENIAN.Net - «Լիդիան Արմենիան» մտադիր է վերսկսել աշխատանքներն Ամուլսարում։ Այդ մասին ասվում է ընկերության տարածած հայտարարության մեջ։ Հերքելով ընկերության գործունեության և Ամուլսարի ծրագրի ապագայի վերաբերյալ շրջանառվող տեղեկությունները, ընկերությունը հայտարարել է, որ Ամուլսարի ծրագիրը շարունակում է մնալ «Լիդիան Արմենիայի» 100% սեփականությունը։ Իրավաբան-ակտիվիստ Նազելի Վարդանյանն ԱԺ Մետաղական հանքարդյունաբերության ոլորտում ներդրումային ծրագրերով գործադիր իշխանության մարմիններին ներկայացված և ընդունված ֆինանսական և այլ հաշվետվությունների օրինականությունը ուսումնասիրող քննիչ հանձնաժողովի հերթական նիստին հայտարարել էր, որ «...հավանաբար շուտով զրոյացվի Ամուլսարի հանքն իրենց (ընկերության) հաշվեկշռում»: Նշվում է, որ ընկերությունը շարունակում է տիրապետել հանքի շահագործման բոլոր իրավունքներին և ծրագրում է վերսկսել աշխատանքներն Ամուլսարում՝ ավարտին հասցնելով հանքի շինարարությունը: ՀՀ առաջին ատյանի դատարանը Նազելի Վարդանյանի կողմից «Լիդիան Արմենիայի» վերաբերյալ նախկինում արված հայտարարությունները որակել է զրպարտություն և պարտավորեցրել հերքել դրանք: Ամուլսարի հանքի շուրջ տարիներ տևող բանավեճերում բնապահպանները համոզված են, որ դրա շահագործումը կարող է էկոլոգիական աղետ լինել ՀՀ-ի և մասնավորապես հանքի տարածքում գտնվող բնակավայրերի համար։ Հանքի շահագործման դեմ բողոքի ակցիաները պարբերաբար ակտիվանում են։ Այդպես եղավ 2018-ի հուլիսին, 2019-ի սեպտեմբերին, երբ ակիվիստները շրջափակել էին Ամուլսար տանող ճանապարհը։ Ներկայումս հանքը շարունակում է մնալ չշահագործված։ Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |