Փաշինյան․ Կանոնները խախտելը մեր հավաքական վերաբերմունքն է պետական կարգին13 հունիսի 2020 - 10:59 AMT PanARMENIAN.Net - Կորոնավիրուսի համավարակի ընթացքում հակահամաճարակային կաոններին չհետևելը ՀՀ քաղաքացիների հավաքական վերաբերմունքն է պետական կարգի նկատմամբ, ասել է վարչապետ Նիկոլ Փաշինյանը։ «Մենք 500 տարուց ավելի պետականություն չենք ունեցել, և պետական կարգը մեզ համար միշտ եղել է օտար։ Մենք պետական կարգ չենք ունեցել դարեր շարունակ, որը մեզ հարազատ կհամարենք։ Մեզ համար մեր պետությունը և պետական կարգը հարյուրամյակներով եղել է ինչ-որ օտարածին և օտարի կողմից պարտադրված ինչ-որ բան»,-ասել է Փաշինյանը՝ հավելելով, որ պետական կարգը նաև ասոցացվել է բռնության հետ։ Վարչապետի խոսքով՝ պետական կարգը ոչ թե ազատության գործիք է եղել, այլ ազատությունից զրկելու, և այն հիմա էլ է այդպես ընկալվում։ Ըստ նրա՝ մարդիկ հակառակվում են այն պետական կարգին, որի նպատակը պաշտպանելն է, այն ընկալվում է որպես ազատությունից զրկելու գործիք։ «Սա շրջադարձային պահ է մեր պետության համար, որովհետև մենք մեր երկարատև պատմության ընթացքում, նույնիսկ, երբ ունեցել ենք անկախ պետություն, մենք մեր սեփական կամքով կարգ չենք ստեղծել, դրա ստեղծումը միշտ հակոտնյա է եղել մեր կամքին։ Հիմա մենք մեր կամքով պետք է ստեղծենք կարգ, ինչը նշանակում է, որ մենք մեր միջից կջնջենք պետականազրկության վերջին ինֆորմացիան»,-ասել է նա։ Փաշինյանը հորդորել է քաղաքացիներին հետևել հակահամաճարակային կանոններին և ստեղծել մի միջավայր, որտեղ կարգը չպահպանելը կլինի անընդունելի։ ՀՀ-ում հունիսի 13-ի դրությամբ կորոնավիրուսով վարակի ռեկորդային` նոր 723 դեպք է գրանցվել։ Այսպիսով երկրում 16,004 հաստատված դեպք կա։ Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին |