Թորոսյան․ ՀՀ-ում ծայրահեղ ծանր և ծանր վիճակում 650 պացիենտ կա

Թորոսյան․ ՀՀ-ում ծայրահեղ ծանր և ծանր վիճակում 650 պացիենտ կա

PanARMENIAN.Net - ՀՀ-ում հուլիսի 6-ի դրությամբ կորոնավիրուսով վարակված պացինետներից ծանր և ծայրահեղ ծանր վիճակում են 650 հոգի, 47-ը գտնվում է թոքերի արհեստական շնչառության տակ, հայտարարել է առողջապահության նախարար Արսեն Թորոսյանը։

Հուլիսի 6-ին ժամը 15:00-ի դրությամբ տանը գտնվող, բայց հոսպիտալացման ենթակա քաղաքացիներ չկան, 20 պացիենտ այլ ԲԿ-ից կարիք ունի տեղափոխվելու կորոնավիրուսի բուժմամաբ զբաղվող ԲԿ։

Թորոսյանի խոսքով՝ հուլիսի 5-ի դրությամբ ՀՀ-ում ծավալված մահճակալային ֆոնդը հասել է 2600-ի, որից 2300-ը սովորական մահճակալներ են, մոտ 300-ը՝ վերակենդանացման։

Նախարարը նշել է, որ հատկապես վերակենդանացման բաժնի մահճակալային ֆոնդի զբաղվածությունը շարունակում է բարձր մնալ։

Հայաստանում հուլիսի 6-ի դրությամբ կորոնավիրուսով վարակի դեպքերը հասել են 28,936-ի։ Ընդհանուր առմամբ, կորոնավիրուսից մահվան 491 դեպք կա, այլ պատճառով՝ 159։ Առողջացածների ընդհանուր թիվը 16,302 է։

 Ուշագրավ
Վճարը մեկ ժամվա համար 100 դրամ է, մեկ տարվա համար՝ 12,000 դրամ
Նա բուժումը կշարունակի տանը՝ նրան ցուցված է անկողնային ռեժիմ
Վարդևանյանը նշել է, որ քրգործն ինչպես հարուցվել է, այնպես էլ դադարեցվելու է քրհետապնդումը։
Նոր երթուղիները գործարկվել են Գորիս համայնքի ղեկավար Առուշ Առուշանյանի հանձնարականով