Գեյթս․ Կլիմայի փոփոխությունն ավելի շատ մարդու կյանք կխլի, քան Covid-19-ը

Գեյթս․ Կլիմայի փոփոխությունն ավելի շատ մարդու կյանք կխլի, քան Covid-19-ը

PanARMENIAN.Net - Երկրագնդի վրա կլիմայական փոփոխությունները հաջորդ տասնամյակներին կարող են հանգեցնել անհամեմատ շատ թվով մարդկանց մահվան, քան կորոնավիրուսի համաճարակը։ Այս մասին իր բլոգում գրել է Microsoft ընկերության հիմնադիր-տնօրեն Բիլ Գեյթսը։

Նրա խոսքով՝ ինչքան էլ սարսափելի լինի համաճարակը, կլիմայի փոփոխությունը կարող է ավելի վատը լինել։

Հաջորդ 40 տարվա ընթացքում ջերմաստիճանի բարձրացումը, ըստ կանխատեսումների՝ կհանգեցնի 100,000 հոգու հաշվարկով 14 մարդու մահվան։ Հարյուրամյակի վերջում, եթե արտանետումների ծավալները շարունակեն աճել, կլիմայի փոփոխությունը կգրանցի 100,000 մարդու հաշվարկով 73 մահ։ Այլ կերպ ասած՝ 2060-ին կլիմայի փոփոխությունը կլինի այնքան մահացու, ինչքան Covid-19-ը, իսկ 2100 թվականին այն կարող է լինել 5 անգամ ավելի մահացու։

Օգոստոսի 7-ի դրությամբ աշխարհում կորոնավիրուսով է վարակվել 19,091,446 մարդ, մահացել՝ 714,767-ը, առողջացել՝ 11,550,232-ը։

Photo. Getty Images
 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին