Կանադայում հակապատվաստումային ակտիվիստները դատի են տվել իշխանություններին Covid-19-ի սահմանափակումների համար

Կանադայում հակապատվաստումային ակտիվիստները դատի են տվել իշխանություններին Covid-19-ի սահմանափակումների համար

PanARMENIAN.Net - Կանադայում դիմակներին և պատվաստումներին դեմ շրջանակները երկրի վարչապետ Ջասթին Թրյուդոյի, հանրային առողջության գլխավոր մասնագետ Թերեзա Թամի և որոշ այլ բարձրաստիճան պաշտոնյաների դեմ $11 մլն-ի հայտ են ներկայացրել՝ կորոնավիրուսի դեմ պայքարում նրանց ձեռնարկած միջոցառումների համար։ Այս մասին հայտնում է Vice-ը։

Vaccine Choice Canada հակապատվաստումային խումբը մեղադրում է, որ կորոնավիրուսով պայմանավորված սահմաանփակումները խախտում են Կանադայի մարդու իրավունքների և ազատության կանոնադրությունը։ Խմբի ղեկավար Թեդ Կունցը համաճարակն անվանել է «անազնիվ և ուռճացված», որը նախատեսված է հասարակության իրավունքների և ազատության համակարգային խախտումներն արդարացնելու համար։

Նրանք բողոքում են կարանտինային սահմանափակումներից, կրթական, օրենսդիր և դատական մարմինների չաշխատելուց։ Հայցը հարցականի տակ է դնում ինչպես սահմանափակումների, այնպես էլ համաճարակի լեգիտիմությունը։

Հայցում հղում է արվում նաև միլիարդատեր Բիլ Գեյթսի կողմից մարդկանց կորոնավիրուսի պատվաստանյութի միջոցով չիպավորելու մասին դավադրապաշտական տեսություններին։

Օգոստոսի 15-ի դրությամբ աշխարհում կորոնավիրուսով վարակվածների թիվը 21,176,811 է, մահացածների՝ 765,099։ Կանադայում վարակվել է 123,605, մահացել է 9068 մարդ, մահացել՝ 109,657։

Photo. Chhris Young (CP)
 Ուշագրավ
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին
Զինվորականը սպանվել է հուլիսի 14-ի առավոտյան