Մոսկվան կհրաժարվի «Իսկանդեր» հրթիռային համակարգերի տեղակայումից, եթե ԱՄՆ-ն չտեղակայի իր ՀՀՊ-ն Լեհաստանում ու Չեխիայում 7 փետրվարի 2009 - 15:41 AMT PanARMENIAN.Net - Ռուսաստանի փոխվարչապետ Սերգեյ Իվանովը, ելույթ ունենալով Անվտանգության քաղաքականության գծով Մյունխենի 45-րդ խորհրդաժողովում, հայտարարել է, որ Ռուսաստանը կհրաժարվի «Իսկանդեր» հրթիռային համակարգերի տեղակայումից Կալինինգրադի մոտ միայն այն դեպքում, եթե ԱՄՆ-ն չտեղակայի իր ՀՀՊ-ն Լեհաստանում ու Չեխիայում: «Ռուսաստանը հետաձգել է «Իսկանդեր« հրթիռների տեղակայումը Կալինինգրադում, քանի դեռ Միացյալ Նահանգները չեմ ստեղծել երրորդ դիրքային գոտին Եվրոպայում: Եթե Լեհաստանում ու Չեխիայում ՀՀՊ համակարգեր չտեղակայվեն, ապա ՌԴ-ն չի տեղակայի «Իսկանդեր» հրթիռները Կալինինգրադում»,-հայտարարել է ՌԴ փոխվարչապետը: Իվանովը նաեւ կոչ է արել ԱՄՆ-ին նոր պայմանագիր կնքել Ռուսաստանի հետ եւ համատեղ պայքարել աշխարհում միջուկային զենքի տարածման դեմ: Իվանովը նաեւ նշել է, որ ամերիկացինեի Եվրոպայում ՀՀՊ համակարգեր տեղադրելու մտադրությունը միտված է ՌԴ միջուկային ներուժի զսպմանը: «Երրորդ դիրքային շրջանը ուղղակի տասնյակ հակաբալիստիկ հրթիռներ ու ռադարներ չեն: Դա ամերիկյան ռազմավարական ենթակառուցվածքի մի մասն է, որ ուղղված է ՌԴ միջուկային ներուժի զսպմանը»,-ասել է նա: Ռուսաստանն իր կողմից առաջարկում է սկզբունքորեն արգելել ռազմավարական հարձակողական սպառազինության տեղակայումը ազգային տարածքներից դուրս: Ընդ որում Իվանովը հիշեցրել է, որ պատմական դեր կատարած Ռազմավարական հարձակողական սպառազինության մասին 1-ին պայմանագրի ժամկետը լրանում է 2009թ. դեկտեմբերի 5-ին: «Ժամանակն է հաջորդ քայլը անել: Պետք է օգտագործել ժամանակի բովով անցած այդ պայմանագրի փորձը նոր պայմանագիր կազմելիս, որը կարգելի, մասնավորապես, ազգային տարածքներից դուրս ռազմավարական հարձակողական սպառազինության տեղակայումը»,-հայտարարել է նա` կոչ անելով արագ ստորագրել եւ վավերացնել Միջուկային փորձարկումների համապարփակ արգելման մասին պայմանագիրը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով Մարությանը՝ իր կուսակցության հիմնադիր համագումարում․ Փաշինյանն ու իր թիմն այլևս անելիք չունեն՝ պետք է հեռանան «Մեր Տավուշն այստեղ է՝ այս դահլիճում»,–ասել է նա Ըստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները» |