Չինաստանում հուլիսից բժիշկներին պատվաստում են Covid-19-ի դեմ

Չինաստանում հուլիսից բժիշկներին պատվաստում են Covid-19-ի դեմ

PanARMENIAN.Net - Դեռ հուլիսից Չինաստանը բժշկական անձնակազմին և սահմանապահներին պատվաստել է կորոնավիրուսի դեմ: Չինական օրենքով՝ արտակարգ իրավիճակներում թույլ է տրվում օգտագործել պատվաստանյութեր, որոնք դեռ պաշտոնապես չեն հաստատվել և չեն գրանցվել։ Այս մասին գրում է CNN-ը։

Նման հայտարարություն արել է Չինաստանի առողջապահության ազգային հանձնաժողովի գիտության և տեխնոլոգիաների զարգացման կենտրոնի տնօրեն Չժեն Չժանվեյը։

Աշխարհում օգոստոսի դրությամբ հայտնի է գրանցված միայն մեկ պատվաստանյութի մասին, որը ռուսականն է։

Ավելի վաղ առողջապահության ոլորտի փորձագետ, միլիարդատեր Բիլ Գեյթսը մտահոգություն էր հայտնել, որ Ռուսաստանը և Չինաստանը շատ արագ են առաջ գնում պատվաստանյութի ստեղծման հարցում, այնինչ անհրաժեշտ է ևս 3-ից 4 ամիս պատվաստանյութերի փորձարկումների 3-րդ փուլի համար․ պետք է ուսումնասիրել կողմնակի ազդեցությունը։

 Ուշագրավ
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
Կավելացվեն ծախսերը նաև հատուկ նշանակության նախագծերի ֆինանսավորման համար
---