Ֆուտբոլիստներ Մալաքյաններն ազատվել են․ ՀՖՖ-ն միջնորդել էր 3 սեպտեմբերի 2020 - 11:04 AMT PanARMENIAN.Net - Հայաստանի ազգային հավաքականի ֆուտբոլիստներ, եղբայրներ Գոռ և Էդգար Մալաքյաններն ազատ են արձակվել։ ՀՖՖ-ն միջնորդություն էր ներկայացրել նրանց մասնակցությամբ միջադեպի առնչությամբ։ Մալաքյանները չեն ցանկացել մանրամասներ հայտնել իրավապահների հետ Կասկադում տեղի ունեցած միջադեպից՝ նշելով, որ հետագայում ամեն ինչ կպարզվի։ Եղբայրները նաև շնորհակալություն են հայտնել ՀՖՖ-ին և իրենց սատարողներին, գրում է Aysor.am-ը։ Սեպտեմբերի 2-ին ՀՖՖ նախագահ Արմեն Մելիքբեկյանը դիմել էր իրավասու պաշտոնատար անձանց՝ իր մտահոգությունը հայտնելով Էդգար և Գոռ Մալաքյանների և իրավապահ մարմինների ներկայացուցիչների մասնակցությամբ միջադեպի կապակցությամբ: Իր նամակում ՀՖՖ նախագահն ակնկալում էր դեպքի անաչառ քննություն և խնդրում է իրավասու պաշտոնատար անձանց քննարկել Մալաքյան եղբայրների նկատմամբ ազատությունից զրկելու հետ չկապված այլ խափանման միջոցների կիրառման հնարավորությունը: Հայաստանի ֆուտբոլի ֆեդերացիայի պաշտոնատար անձինք պատրաստակամություն էին հայտնել հանդես գալ նաև անձնական երաշխավորությամբ: Ավելի վաղ ոստիկանությունը հաղորդագրություն էր տարածել, որտեղ ասվում է, որ օգոստոսի 30-ին` ժամը 23.15-ի սահմաններում, Կասկադում երկու երիտասարդ քաշքշել են ճանապարհային ոստիկանության տեսուչների, նաև կոպիտ կերպով խախտելով հասարակական կարգը՝ հայհոյանքներ են հնչեցրել: Փաստի առթիվ քրեական օրենսգրքի 316-րդ (Իշխանության ներկայացուցչի նկատմամբ բռնություն գործադրելը) և 258-րդ (Խուլիգանությունը) հոդվածների հատկանիշներով քրեական գործ է հարուցվել: Բերման ենթարկված երիտասարդները ձերբակալվել էին: Ավելի ուշ եղբայրների փաստաբան Գոռ Միքայելյանը տեղեկացրել էր, որ ֆուտբոլիստներին մեղադրանք է առաջադրվել և հրապարակել էր Մալաքյանների լուսանկարներից մի քանիսը, որտեղ երևում են նրանց կապտուկները։ «Ինքներդ դատեք՝ ովքեր են ծեծի ենթարկողներն ու ովքեր՝ ծեծի ենթարկվածները»,-գրել էր նա։ Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին Աբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը Շոլց․ Ադրբեջանը պետք է հարգի մարդու իրավունքները Նա Ալիևին ասել է, որ, իրավապաշտպանները և լրատվամիջոցները պետք է հնարավորություն ունենան ազատ աշխատելու |