  Հայ լեգենդար մարմնամարզիկ Ալբերտ Ազարյանը 80 տարեկան է11 փետրվարի 2009 - 16:29 AMT PanARMENIAN.Net - Այսօր հայկական եւ համաշխարհային սպորտի կենդանի լեգենդ, Հայաստանի սպորտային մարմնամարզության Ֆեդերացիայի նախագահ Ալբերտ Ազարյանը 80 տարեկան է դարձել: Հոբելյանի կապակցությամբ լեգենդար մարմնամարզիկի հետ զրուցել է PanARMENIAN.Net ի թղթակիցը:«Այսօր ես առավոտից շնորհավորանքներ եմ ստանում, չեմ կարողանում հեռանալ հեռախոսի մոտից. զանգում են ընկերները, բարեկամները, հարազատները, անգամ պարզապես ծանոթները: Այ հիմա ես զրուցում եմ ձեզ հետ, եւ ինձ կրկին զանգահարում են: Ասեմ ձեզ, որ ես ինձ հիանալի եմ զգում իմ տարիքի մարդու համար, կարծես 40 տարեկան լինեմ: Նվերներ դեռ չեմ ստացել: Բայց դե ես այդ գործի սիրահար էլ չեմ: Ինձ բավական է հասարակ շնորհավորանքը. դրանից թանկ բան չկա»,- կիսվել է Ազարյանը: Լեգենդար մարմնամարզիկին շնորհավորել է նաեւ ՀՀ նախագահ Սերժ Սարգսյանը` նշելով այն կարեւոր դերը, որ խաղացել է Ալբերտ Ազարյանը հասարակական գիտակցության մեջ առողջ ապրելակերպի ձգտում սերմանելու գործում: «Այսօր ես շնորհավորանք եմ ստացել պետության ղեկավարից: Գիտեք, իմ 70-ամյակին ես շնորհավորանք էի ստացել Հայաստանի հանգուցյալ վարչապետ Անդրանիկ Մարգարյանից: Իմ 75-ամյակը շնորհավորել էր երկրի նախկին նախագահ Ռոբերտ Քոչարյանը, իսկ հիմա ահա ես շնորհավորանք եմ ստացել Սերժ Սարգսյանից: Ի դեպ, անցյալ տարի օլիմպիական հանձնաժողովի նախագահ Գագիկ Ծառուկյանը խոստացավ իմ 80-ամյակին հանդիսավոր միջոցառում կազմակերպել: Ես գիտեմ, որ փետրվարի 17-ին Երեւանի Օպերայի եւ բալետի ակադեմիական թատրոնում կկայանա իմ 80-ամյակին նվիրված միջոցառում,- ասել է Ալբերտ Ազարյանը,- իսկ ինչ վերաբերում է ապագայի ծրագրերին, ապա այս տարի ես ոչ մի առանձնահատուկ բան չեմ ծրագրել: Ինչպես Դուք գիտեք, պեկինյան օլիմպիադային մեր մարմնամարզիկները չմասնակցեցին: Ներկայումս մենք մարմնամարզիկներ ենք պատրաստում 2012թ. Լոնդոնի օլիմպիադայի համար: Կարծում եմ` մենք արժանի ներկայացուցիչներ կունենանք»: 2000թ. Հայաստանի սպորտային լրագրողները Ալբերտ Ազարյանին ճանաչել էին XX դարի հայ լավագույն սպորտսմեն: 2004 եւ 2008թթ.նրան էր վստահվել Հայաստանի դրոշը կրելու իրավունքը Աթենքի եւ Պեկինի Օլիմպիական խաղերին: 1952-1962թթ. Ազարյանը 11 անգամ դարձել է ԽՍՀՄ չեմպիոն, այդ թվում` 8 անգամ օղակների վարժությունում: 1954 եւ 1958թթ. Ազարյանը եղել է օղակների վարժությունների աշխարհի չեմպիոնը, իսկ 1956 եւ 1960թթ. Օլիմպիական խաղերի չեմպիոն: Ազարյանը կրում է «օղակների արքա» յուրահատուկ տիտղոսը: Նա հայտնի է նաեւ իր նշանավոր վարժությամբ, որն ավելի ուշ ստացավ «Ազարյանի խաչ» անվանումը:   Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա   |  Բաժիններ թեմայով Վերջին լուրեր ՀՀ և Ադրբեջանի սահմանին փորձագետները սկսել են կոորդինատների ճշտումը  Նշվում է, որ դա արվում է հանձնաժողովի 8-րդ հանդիպման արդյունքներով ձեռք բերված պայմանավորվածությունների համաձայնՎարչապետ․ ՀԱՊԿ–ը սահման պիտի գար որպես ՀՀ դաշնակից, ոչ թե որպես խաղաղապահ կամ խաղաղարար «Այս պայմաններում մենք չենք կարող ուղղակի ձևացնել, թե այդ ամեն ինչը չենք նկատում»,–ասել է նաԲաղանիսի և Ոսկեպարի ղեկավարները դժգոհ են փոխվարչապետի հետ հանդիպումից․ Երևանում նրանց հորդորել են հանդարտեցնել մարդկանց Նշվել է, որ կոնկրետ Բաղանիս Այրումի հատվածում սահմանի փոփոխություններ կլինեն արդեն ապրիլի 23–ից սկսածՍիմոնյանը՝ ԵՄ համաժողովում․ Մտահոգիչ է, որ ՌԴ բազմաթիվ պաշտոնյաներ համարձակվում են թելադրել Հայաստանի շահերը Նա խոսել է Հայաստանի դեմ ՌԴ և Ադրբեջանի հիբրիդային հարձակման մասին՝ կապված ապրիլի 5-ի Բրյուսելի հանդիպման հետ |
