Էրդողանը Թրյուդոյի հետ խոսել է կանադական տեխնոլոգիաների վաճառքի արգելքի մասին

Էրդողանը Թրյուդոյի հետ խոսել է կանադական տեխնոլոգիաների վաճառքի արգելքի մասին

PanARMENIAN.Net - Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Կանադայի վարչապետ Ջասթին Թրյուդոյի հետ ու նշել, որ կանադական տեխնոլոգիաների վաճառքի արգելքի որոշումը չի համապատասխանում իրենց «դաշինքի ոգուն», փոխանցում է Reuters-ը։

Ավելի վաղ Կանադայի արտաքին գործերի նախարարությունից հայտարարել էին, որ սառեցնում են Թուրքիային ռազմական սարքավորումների վաճառքը։ Որոշումը կայացվել էր՝ հաշվի առնելով այն հնագամանքը, որ ԼՂ հակամարության գոտում կանադական տեխնոլոգիաներ են օգտագործվում։

«Հեռախոսազրույցի ընթացքում Էրդողանը Թրյուդոյին ասել է, որ Ադրբեջանի և Հայաստանի հակամարտության պատճառով Կանադայի կողմից Թուրքիային որոշ ռազմական ապրանքների վաճառքի արգելքը հակասում է իրենց դաշինքի ոգուն»,-նշվում է հաղորդագրության մեջ։

Սեպտեմբերի 27-ից Արցախի դեմ Ադրբեջանի սանձազերծած պատերազմի ընթացքում բազմիցս ապացուցվել է Թուրքիայի մասնակցությունը։ Թուրքիան ապահովում է ադրբեջանական կողմին ռազմական տեխնիկայով ու ադրբեջանական բանակի կազմում կռվելու համար տարածաշրջան է բերել նաև վարձկանների։ Ավելի վաղ ռուսական «Կոմերսանտը» տվյալներ էր հրապարակել հակամարտության գոտում Թուրքիայի ներգրավվածության մասին՝ նշելով, որ Արցախի վրա հարձակումն անձամբ այդ երկրի ՊՆ ղեկավարն է պլանավորել։

 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին