Թուրքիան դուրս է բերում սիրիական ուժերի թիկունքում եղած դիտակետը

Թուրքիան դուրս է բերում սիրիական ուժերի թիկունքում եղած դիտակետը

PanARMENIAN.Net - Թուրքիան իր զորքերը դուրս է բերում Սիրիայի հյուսիս-արևմուտքում գտնվող դիտակետից, որը 2019-ին շրջափակված է եղել սիրիական կառավարության ուժերով, սակայն ամրացրել է իր դիրքերը տարածաշրջանի այլ հատվածներում, փոխանցում է Middle East Monitor-ը։

Նշվում է, որ Մորեկի դիտակետը մեկն է տասնյակներից, որոնք 2018-ին թուրք զինվորները ստեղծել են՝ Սիրիական կառավարական ուժերի և Իդլիբի հյուսիս-արևմուտքը վերահսկող ու Թուրքիայի կողմից հովանավորվող ուժերի միջև բախումներին աջակցելու համար։

Նախկինում թուրքական կողմը բացառել էր Մորեկից հետ քաշվելը, չնայած այնտեղ գտնվող զորքերը շրջափակված են եղել Սիրիայի կառավարական բանակի կողմից։ Այնուամենայնիվ, աղբյուրները հայտնել են, որ Թուրքիայի համար Մորեկում մնալն այլևս ռազմավարական նշանակություն չունի։

Սիրիական ընդդիմության՝ Թուրքիային մոտ կանգնած աղբյուրը հայտնել է, որ դիտակետի ապամոնտաժումն արդեն սկսվել է, միևնույն ժամանակ 2 այլ աղբյուր պնդել են, որ նորերի դուրսբերում չի սպասվում։

Ըստ տվյալների՝ Թուրքիան Սիրիայի հյուսիսարևմտյան հատվածում 10-15,000 զինվորական, վարձկան ու ջիհադիստ է պահում։

Մարտերի հետևանքով Թուրքիայում արդեն 3․6 մլն սիրիացի փախստական կա, ու նշվում է, որ այդ երկիրը վճռական է տրամադրված՝ փախստականների հետագա հոսքը կասեցնելու հարցում։ ՄԱԿ-ը հայտնել է, որ Սիրիայի հյուսիս-արևմուտքում 4 մլն բնակչից 2․7 մլն-ը տեղահանվել է 9-ամյա հակամարտության ընթացքում։ Սիրիայի նախագահ Բաշար Ասադը, Ռուսաստանի ու Իրանի աջակցությամբ, Թուրքիայի կողմից աջակցվող ապստամբներին, որոնք խոստանում էին գրավել Դամասկոսը, հետ է մղել երկրի հյուսիս-արևմուտք։

Թուրքիան այժմ ակտիվորեն ներգրավված է Լեռնային Ղարաբաղի հակամարտության մեջ ու աջակցում է Ադրբեջանին, ինչպես տեխնիկապես, այնպես էլ Սիրիայից ու Լիբիայից վարձկաններ մատակարարելու հարցում։

Photo. Getty Images
 Ուշագրավ
Հայտնի է, որ ահաբեկիչներից մեկը «Իսլամական պետություն» խմբավորման համակիր է
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել