  ԶԼՄ․ Ռեժիսոր Կիմ Կի Դուկը մահացել է կորոնավիրուսից 11 դեկտեմբերի 2020 - 15:49 AMT PanARMENIAN.Net - Հայտնի կորեացի կինոռեժիսոր, Կաննի, Վենետիկի և Բեռլինի կինոփառատոների դափնեկիր Կիմ Կի Դուկը Լատվիայում մահացել է կորոնավիրուսից։ Նա 60 տարեկան էր, տեղեկացնում է Delfi-ն։ Ըստ տեղեկությունների, որոնք մեջբերվում են՝ ռեժիսոր Վիտալի Մանսկուն հղումով, Կի Դուկը Լատվիա էր մեկնել նոյեմբերի 20-ին։ Դեկտեմբերի 5-ից նա կապի մեջ չէր։ Դեկտեմբերի լույս 11-ի գիշերը նա մահացել է հիվանդանոցում կորոնավիրուսի հետ կապված բարդություններից, գրում է ՏԱՍՍ-ը։ Կիմ Կի Դուկը մտադիր էր տուն գնել Յուրմալայում և կացության իրավունք ստանալ Լատվիայում։ Երբ ռեժիսորը չի եկել պայմանավորված հանդիպմանը, գործընկերները սկսել են փնտրել նրան, այդ թվում հիվանդանոցներում։ Անձնական տվյալների պաշտպանության խիստ կանոնների պատճառով որոնումը դժվարացել էր։ Հայտնի կորեացի կինոռեժիսոր Կիմ Կի Դուկը 17 տարեկանից աշխատել է գործարանում։ 20 տարեկանում զորակոչվել է բանակ։ 5 տարի ծառայել է կորեական ծովային հետևակում, այնուհետև երկու տարի անցկացրել է կույրերի եկեղեցում՝ նպատակ ունենալով դառնալ հոգևորական։ Այդ ընթացքում մեծացել է գեղանկարչության նկատմամբ նրա հակումը և նա տեղափոխվել է Փարիզ, որտեղ 1990-1992 թվականներին ուսումնասիրել է կերպարվեստ։ Որոշ ժամանակ նա ճանապարհորդել է Եվրոպայում՝ հանդես գալով որպես նկարիչ։ Նրա առաջին ռեժիսորական ֆիլմը 1996 թվականի «Կոկորդիլոս» ֆիլմն է։ Իր կինոկարիերայի 10 տարվա ընթացքում Կիմ Կի Դուկը նկարահանել է 13 ֆիլմ։ 2014-ին նա եղել է «Ոսկե ծիրան» կինոփառատոնի հատուկ հյուրը։   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
