$4.5 մլն արցախցիներին ու ՀՀ 64 գյուղի՝ ՔՈԱՖ-ի «Շուռ տանք սարերը» դրամահավաքի շրջանակում 11 դեկտեմբերի 2020 - 17:27 AMT PanARMENIAN.Net - «Հայաստանի մանուկներ» բարեգործական հիմնադրամի (ՔՈԱՖ) ամենամյա գալա երեկոյին փոխարինած «Շուռ տանք սարերը» դրամահավաք-միջոցառմանը հանգանակվել է $4.5 մլն գումար։ Դրամահավաքը կայացել է դեկտեմբերի 6-ին։ Գումարն ուղղվելու է Արցախից տեղահանված և ՔՈԱՖ-ի շահառու համայնքներում ապաստանած ընտանիքների կեցության ապահովման ծրագրերին, ինչպես նաև ՔՈԱՖ-ի կրթական, առողջապահական, երեխայի և ընտանիքի ծառայությունների և տնտեսական ծրագրերին, որ իրագործվում են Հայաստանի 64 գյուղում։ Դրամահավաքի վիրտուալ միջոցառման ընթացքում ելույթ են ունեցել երգչուհի Իվետա Մուկուչյանը և ջութակահար Արա Մալիքյանը, երիտասարդ երաժիշտներ Հայաստանից։ Հատուկ ուղերձով հանդես են եկել դերասանուհի Անդրեա Մարտինը, Վիկտոր Գարբերը, երաժիշտ Սերժ Թանկյանը և այլք։ Արցախի դեմ սանձազերծված պատերազմի առաջին օրերից «Հայաստանի մանուկներ» բարեգործական հիմնադրամն իր շահառու համայնքներում ապաստան է տրամադրել Արցախից տեղահանված մոտ 500 հոգու՝ ապահովելով ամենօրյա սնունդ, կենցաղային առաջին անհրաժեշտության պարագաներ և հագուստ։ Այժմ ՔՈԱՖ-ն աշխատում է նաև այդ ընտանիքներին հիմնադրամի երկարաժամկետ ծրագրերում ընդգրկելու ուղղությամբ՝ նրանց մատուցելով երեխայի և ընտանիքի ծառայություններ, նրանց ներառելով կրթական, առողջապահական և տնտեսական ծրագրերում։   Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները   Ամենաընթերցվողը բաժնում |  Վերջին լուրեր ԱՄՆ փոխնախագահ․ Երբեք չենք մոռանա Հայոց ցեղասպանությունը  Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձելՀայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներումԱտալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանըՀնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |
