Հոլոքոստի զոհերի հուշարձանը պղծողին գտել են17 փետրվարի 2021 - 12:21 AMT PanARMENIAN.Net - Օղակաձև զբոսայգում տեղադրված Հոլոքոստի և Ցեղասպանության զոհերի հուշարձանը պղծողը հայտնաբերվել է։ Ոստիկանության Կենտրոնական բաժնի ՔՀԲ ծառայողների ձեռնարկած միջոցառումների շնորհիվ պարզվել է, որ արարքը կատարել է 36-ամյա մի տղամարդ: Փետրվարի 12-ին Հոլոքոստի զոհերի հուշարձանին կարմիր ներկով գրություններ էին արվել՝ թվարկվել էին իսրայելական արտադրության այն զինատեսակների՝ Lora, Elbit, Harop, Sandcat, Hermes, Orbiter, անվամումները, որոնք օգտագործվել են Ադրբեջանի կողմից 2020-ի Արցախյան պատերազմի ժամանակ։ Ոստիկանների բացատրական աշխատանքի արդյունքում փետրվարի 15-ին նա ներկայացել է բաժին և խոստովանական բացատրություն տվել: Փաստի առթիվ ՀՀ քրեական օրենսգրքի 260-րդ հոդվածի (վանդալիզմ) հատկանիշներով հարուցվել է քրեական գործ (պատժվում է տուգանքով, կամ կալանքով՝ առավելագույնը 2 ամիս ժամկետով): Կատարվում է նախաքննություն: Հայոց ցեղասպանության թանգարան-ինստիտուտի Համեմատական ցեղասպանագիտության բաժնի վարիչ Սուրեն Մանուկյանը, անդրադառնալով վանդալիզմի այդ ակտին, հայտարարություն էր տարածել՝ նշելով, որ Երևանի Օղակաձև զբոսայգում գտնվով հայերի և հրեաների ցեղասպանությունների զոհերի հիշատակին նվիրված հուշարձանի պղծումը պետք է ամենախիստ պատժի ենթարկվի, քանի որ Աուշվիցում սպանված հրեա երեխաների մասին հիշողությունն իսրայելական կառավարության քաղաքականության հետ խառնելն անընդունելի է: Նա նշել էր նաև, որ Նշվում է, որ Արցախյան պատերազմի ժամանակ հրեա գիտնականները կոչ բարձրացրեցին իրենց պետությունից պահանջելով դադարեցնել ռազմական օգնությունը Ադրբեջանին: Բազմաթիվ հրեա մտավորականներ քննադատեցին սեփական կառավարությանը: Փետրվարի 16-ին Երևանում անհայտ անձինք կարմիր ներկ են քսել Հայաստանի և Իսրայելի բարեկամությանը նվիրված հուշարձանին: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով ՀՀ-ն և ՎԶԵԲ-ը 236 մլն եվրոյի վարկային համաձայնագիր կստորագրեն Սիսիան-Քաջարան ճանապարհի մի հատվածը կառուցելու համար Կկառուցվի 5 թունել, 11 կամուրջ, 68 հեղեղատ, 43 հենապատ |