Օհանյանը՝ ԳՇ հայտարարության մասին․ Սա հեղաշրջում չէ՝ բանակի միանալն է ժողովրդին

Օհանյանը՝ ԳՇ հայտարարության մասին․ Սա հեղաշրջում չէ՝ բանակի միանալն է ժողովրդին

PanARMENIAN.Net - Ազատության հրապարակում ընթացող ընդդիմության հանրահավաքին մասնակցել է նաև պաշտպանության նախկին նախարար Սեյրան Օհանյանը։ Անդրադառնալով վարչապետ Նիկոլ Փաշինյանի հրաժարականի պահանջով Զինված ուժերի Գլխավոր շտաբի հայտարարությանը՝ նա ասել է, որ դա չի կարելի որակել որպես ռազմական հեղաշրջում։

«Սա հեղաշրջում չէ, սա բանակի միանալն է ժողովրդին։ Երկրի համար հիմնական սպառնալիքն անգրագետ, ապիկար կառավարումն է, որը հասցրել է այս վիճակին»,- ասել է նա։

Փետրվարի 25-ին Զինված ուժերի Գլխավոր շտաբը պահանջել է վարչապետի հրաժարականը: Փաշինյանը ԳՇ գործողությունը որակել է ռազմական հեղաշրջման փորձ:

Վարչապետն ավելի վաղ պաշտոնից ազատել է ԳՇ պետ Օնիկ Գասպարյանին և նրա առաջին տեղակալ Տիրան Խաչատրյանին: Զինվորականների հայտարարությունից հետո Փաշինյանն իր կողմնակիցներին կոչ է արել հավաքվել Հանրապետության հրապարակում: Ընդդիմությունն իր հավաքը անցկացնում է Ազատության հրապարակում։

 Ուշագրավ
Նա օժանդակել է ՀՀ մշակույթի և երիտասարդության նախկին նախարարի կողմից թույլ տրված չարաշահումներին
Նրա նկատմամբ որպես խափանման միջոց է ընտրվել ստորագրությունը չհեռանալու մասին
Նախագիծը հավանության է արժանացել չզեկուցվող հարցերի փաթեթով
Կորոնավիրուսով ավելի վաղ վարակվել էին նաև երկրորդ ու երրորդ նախագահներ Ռոբերտ Քոչարյանն ու Սերժ Սարգսյանը