ԱՄՆ հայ համայնքը ամենակազմակերպված ու կայացած համայնքներից է աշխարհում 6 մարտի 2009 - 13:08 AMT PanARMENIAN.Net - ՀՀ սփյուռքի նախարար Հրանուշ Հակոբյանը ԱՄՆ-ում ընթացող այցի շրջանակներում մասնակցել է Ամերիկայի հայկական համագումարի համաժողովի աշխատանքներին: Այն նվիրված էր Ազգային քարոզչությանը եւ հիմնական նպակակն էր` նպաստել ԱՄՆ-ի կողմից Հայոց ցեղասպանության ճանաչմանը, ապագա ցեղասպանությունների կանխարգելմանը: Համաժողովին մասնակցում էին հայ եւ ամերիկացի հայտնի քաղաքական գործիչներ, ցեղասպանագետներ, գիտնականներ, բարերարներ եւ այլք:Հետաքրքրական էր, որ համաժողովի տարբեր նիստերին մասնակցած մի շարք կոնգրեսականներ իրենց ելույթներում միաձայն պնդում էին, որ ԱՄՆ նոր վարչակազմը եւ նախագահը պետք է ճանաչեն Հայոց ցեղասպանությունը: Համաժողովի մասնակիցներն այցելեցին Վաշինգտոնում ստեղծվող հայկական ցեղասպանության թանգարան, ծանոթացան կատարված գործերին, առաջարկվող ճարտարապետական լուծումներին: Ամերիկայի հայկական համագումարում ունեցած իր ելույթում ՀՀ սփյուռքի նախարար Հրանուշ Հակոբյանը նշեց, որ հայկական Սփյուռքն ԱՄՆ-ում ամենակազմակերպված, ինստիտուցիոնալ առումով ամենակայացած գաղթօջախներից է, որը լուրջ ներդրում ունի ԱՄՆի հասարակական-քաղաքական կյանքում, ինչպես նաեւ հայ-ամերիկյան հարաբերությունների հաստատման եւ զարգացման գործում: Իր խոսքում նախարարը նշեց, որ այդ հարաբերությունները բարեկամական են եւ գնալով առավել են խորանում եւ զարգանում: Անդրադառնալով Հայաստանի ներկա իրավիճակին, նախարարը նշեց, որ այսօր Հայաստանում փորձ է արվում կերտել բաց եւ ազատ հասարակություն, որտեղ կգերակշռի սոցիալական արդարությունը եւ մարդը կհամարվի բարձրագույն արժեք: «Նման պետության կառուցմանը պետք է մասնակցի աշխարհասփյուռ հայ ժողովուրդը: Հայաստանը համայն հայության հայրենիքն է, իսկ նրա հոգսերն ու խնդիրները ողջ հայությանն են», - ասաց նախարարը: Բարձր գնահատելով քառասուն տարիների ընթացքում «Ամերիկայի հայկական համագումարի» կատարած աշխատանքները` նախարարը ՀՀ սփյուռքի նախարարության անունից շնորհակալագիր հանձնեց կազմակերպության հիմնադիր-նախագահ Հրայր Հովնանյանին, հաղորդում է ՀՀ սփյուռքի նախարարությայն մամլո ծառայությունը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |