Նախագիծ․ Սոցփաթեթով մուծել ցանկացած հիփոթեք կամ սպորտծառայություն12 մարտի 2021 - 15:09 AMT PanARMENIAN.Net - ՀՀ աշխատանքի և սոցիալական հարցերի նախարարության աշխատանքի և զբաղվածության վարչության պետ Ժորա Սարգսյանը, անդրադառնալով սոցփաթեթով տրամադրվող ծառայությունների ավելացման նախագծին, հայտարարել է, որ արմատապես վերանայվում է սոցփաթեթի տրամադրման կարգը։ Նրա խոսքով՝ առաջարկվում է ընդլայնել սոցփաթեթով տրամադրվող ծառայությունների ցանկը, օրինակ՝ հնարավորություն տալ սոցփաթեթի գումարն ուղղել ցանկացած հիփոթեքային վարկի մարմանը, եթե անգամ տվյալ անձն ուղղակի համավարկառու է, գրում է Panorama.am-ը։ Գործող կարգով սոցփաթեթի շահառուները կարողանում են ստացված գումարը ծախսել 4 ուղղությամբ՝ հանգիստ, պետական սուբսիդավորմամբ ստացված հիփոթեքային վարկի մարում, ապահովագրական ծառայությունների ձեռքբերում և կրթություն։ Այժմ առաջարկվում է, որ հնարավորություն տրվի սոցփաթեթի գումարներն ուղղելու նաև մարզա-առողջարանական, սպորտային և նմանատիպ այլ ծառայություններից օգտվելուն։ «Սա ուղղված է առողջ ապրելակերպը խթանելուն։ Մարդիկ միշտ նստած են, իսկ սա առիթ կարող է հանդիսանալ, որ նրանք այցելեն, օրինակ՝ մարզասրահներ։ Բացի այդ, հնարավորություն կտրվի, որ ուսանողական վարկերը մարվեն սոցփաթեթի գումարով։ Սա հնարավորություն կտա, որ ուսանողի ընտանիքի անդամը կարողանա իր սոցփաթեթի գումարն ուղղել ուսանողական վարկի մարմանը»,- ներկայացրել է Սարսգյանը։ Նա նշել է՝ նաև հնարավորություն կստեղծվի, որ սոցփաթեթի գումարը քաղաքացին միանգամից կարողանա ուղղել, օրինակ՝ ստոմատոլոգիական որևէ կենտրոնի, որտեղ բուժել է ատամները։ Սոցփաթեթը Հայաստանում ներդրվել է հանրային հատվածի աշխատակիցների համար 2012-ին: Յուրաքանչյուր պետծառայողի համար տարեկան պետբյուջեից հատկացվում է 132,000 դրամ: Ուշագրավ Շենքի շուրջբոլորը ոստիկանությունը պատնեշներ է տեղադրել
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ Ուսանողների օրը՝ Բիբլոս Բանկ Արմենիայի կրթաթոշակ ստացած ուսանողների հետ ԵՊՀ 10 ուսանող ստացել է Բիբլոս Բանկ Արմենիայի անվանական կրթաթոշակ Ձերբակալվել է Վահագն Չախալյանը և ևս 4 անձ Նրանք կասկածվում են խմբակային խուլիգանություն կատարելու մեջ |