 Բեյրութի նավահանգստի վերակառուցման համար $5 մլրդ կպահանջվի 10 ապրիլի 2021 - 14:22 AMT PanARMENIAN.Net - Բեյրութի նավահանգստի վերակառուցման նախագծի իրականացման համար, որը ներկայացրել են գերմանական ընկերությունները, $5 մլրդ կպահանջի։ Դա նաև թույլ կտա լրացուցիչ 50,000 աշխատատեղ ստեղծել։ Այդ մասին հայտարարել է Լիբանանի տրանսպորտի և հասարակական աշխատանքների նախարարի պաշտոնակատար Միշել Նաջարը, գրում է ՏԱՍՍ-ը՝ «Էլ Սահմ» թերթին հղումով։ «Ծրագրով նախատեսվում է ոչ միայն վերականգնել նավահանգիստը, ավելացնելով բեռնափոխադրումների ծավալը, այլև ընդլայնել այն դեպի արևելք՝ Բուրջ Համուդի ուղղությամբ։ Նավահանգիստը երկաթուղով կկապվի դեպի հյուսիս և հարավ գտնվող արդյունաբերական օբյեկտների հետ»,-ասել է Նաջարը։ Ըստ պաշտոնակատարի՝ նախագծի հեղինակներն առաջարկել են նաև նավահանգստային գոտու արևելյան մասում ժամանակակից զբոսաշրջային համալիր ստեղծել՝ լողափերով և հյուրանոցներով։ Նախագծի շահութաբերությունը գնահատվում է 2․5 մլրդ դոլար։ Ըստ Նաջարի՝ այդ միջոցները կարելի է հետագայում ներդնել պայթյունից տուժած Բեյրութի բնակելի թաղամասերի վերականգնման նպատակով։ 2020թ․ օգոստոսի 4-ի երեկոյան Բեյրութի նավահանգստում ուժգին պայթյուն որոտաց։ Նավահանգստում պայթել է պահեստավորված 2750 տոննա ամոնիումի նիտրատը։ Քաղաքում մեծ ավերածություններ կան, վնասվել էր ՀՀ դեսպանության շենքը, տուժել է նաև հայկական թաղամասը։ Photo. AP   Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում   Ամենաընթերցվողը բաժնում |  Վերջին լուրեր Միրզոյանը կմեկնի Սաուդյան Արաբիա․ Դա ՀՀ-ից առաջին բարձրաստիճան այցը կլինի այդ երկիր  Երկու երկրների միջև դիվանագիտական հարաբերություններ են հաստատվել 2023թ. նոյեմբերինՀունաստանում վառվել է Օլիմպիադայի կրակը Գերագույն քրմուհու դերում անտիկ հանդերձանքով հանդես է եկել դերասանուհի Մերի ՄինանEvocabank-ը 10 մլն դրամ է նվիրաբերել ՀՀ-ում «Ոզնի» ֆինանսական գրագիտության մրցաշարի իրականացմանը Մրցույթն օգնելու է աշակերտներին զարգացնելու ֆինանսական ոլորտի գիտելիքներըԱլեն Սիմոնյանի գլխավորած պատվիրակությունը պաշտոնական այցով Լիտվայում է Այցի շրջանակում նախատեսվում են երկկողմ հանդիպումներ |
