Դեսպան․ ՀՀ-ն անգնահատելի ներդրում է ունեցել ռուսական տիեզերական ոլորտի զարգացման գործում12 ապրիլի 2021 - 12:51 AMT PanARMENIAN.Net - Հայաստանն անգնահատելի ներդրում է ունեցել ռուսական տիեզերական ոլորտի ներուժի զարգացման գործում և այդ հսկայական ներուժը պահանջված է այսօր Երևանում։ Այդ մասին հայտարարել է Հայաստանում ՌԴ դեսպան Սերգեյ Կոպիրկինը՝ տիեզերք մարդու առաջին թռիչքի 60-ամյակին նվիրված միջոցառման ժամանակ։ Նա հիշեցրել է, որ 20-րդ դարի 30-ականներից խորհրդային աստղաֆիզիկայի ու աստղագիտության դպրոցներում ներգրավված էին Վիկտոր Համբարձումյանը, Արտյոմ Ալիխանյանը, Բենիամին Մարգարյանը, գրում է Sputnik Արմենիան։ «Գիտությունների ակադեմիայի Վ․Համբարձումյանի անվան Բյուրականի աստղաֆիզիկական աստղադիտարանը համագործակցում է մի շարք ռուսական հետազոտական կենտրոնների և ինստիտուտների հետ: Հայաստանի ու Ռուսաստանի միջև միջկառավարական համաձայնագրի շրջանակում աստղադիտարանը երկրամասային տարածքի մոնիտորինգ է իրականացնում: Դա կարևոր կենտրոն է ինչպես հետազոտությունների, այնպես էլ կրթության համար», - ասել է Կոպիրկինը։ Նա վստահություն է հայտնել, որ աստղագիտության, աստղաֆիզիկայի և տիեզերական հետազոտությունների ոլորտում ռուս-հայկական նախագծերն ու նախաձեռնությունները զգալի ներդրում կունենան երկու երկրի գիտական, մտավոր ներուժի զարգացման գործում: Կոպիրկինը հիշեցրել է, որ 1961 թվականի ապրիլի 12-ին՝ ժամը 09:07-ին, ԽՍՀՄ-ն ուղեծիր հանեց աշխարհում առաջին «Սպուտնիկ» տիեզերանավը, որում մարդ կար: Նա հավելել է, որ այն 108 րոպեի ընթացքում, որոնք Յուրի Գագարինն անցկացրեց տիեզերքում, փոխվեց ամբողջ աշխարհը, մարդկության պատմության մեջ սկսվեց տիեզերական դարաշրջանը: «Մենք իրավամբ հպարտանում ենք, որ այդ հսկայական գիտատեխնիկական առաջընթացն իրականացվել է հենց ԽՍՀՄ-ում՝ մեր ընդհանուր պետությունում», - ասել է դեսպանը: Նա նշել է, որ տիեզերքի յուրացումը մնում է ԽՍՀՄ նախկին հանրապետությունների, այդ թվում՝ Հայաստանի հետ Ռուսաստանի փոխգործակցության շատ կարևոր օբյեկտը։ 2023 թվականին ՌԴ-ում նախատեսված են տիեզերագնացների առկայությամբ նոր տիեզերանավի թռիչքային փորձարկումները, ընթանում է նոր սերնդի տրանսպորտային համակարգի մշակումը, «Վոստոչնի» տիեզերակայանում ստեղծվում է ենթակառուցվածք, ծանր ու գերծանր դասի հրթիռային համալիրներ: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով ՀՀ-ն և ՎԶԵԲ-ը 236 մլն եվրոյի վարկային համաձայնագիր կստորագրեն Սիսիան-Քաջարան ճանապարհի մի հատվածը կառուցելու համար Կկառուցվի 5 թունել, 11 կամուրջ, 68 հեղեղատ, 43 հենապատ |