ԱՀԿ-ն տագնապալի է համարում կորոնավիրուսային իրավիճակն աշխարհում

ԱՀԿ-ն տագնապալի է համարում կորոնավիրուսային իրավիճակն աշխարհում

PanARMENIAN.Net - Առողջապահության համաշխարհային կազմակերպությունը (ԱՀԿ) տագնապալի է համարում կորոնավիրուսով պայմանավորված իրավիճակն աշխարհում։ Այդ մասին հայտարարել է ՌԴ-ում ԱՀԿ ներկայացւցիչ Մելիտա Վույնովիչը։

«2021թ․ ապրիլի 12-ի դրությամբ, ԱՀԿ տվյալներով, աշխարհում կորոնավիրուսով վարակի 135,646,617 դեպք է գրանցվել և 2,930,732 մահ։ Այժմ 7-րդ շաբաթն անընդմեջ նկատվում է հիվանդության դեպքերի աճ, իսկ վերջին 4 շաբաթում՝ մահվան ելքով դեպքերի։ Սա տագնապալի իրավիճակ է, քանի որ ականատես ենք վիրուսի տարբեր շտամերի տարածմանը, սահմանափակման միջոցների չեղարկմանն ու երկրների միջև պատվաստանյութերի անարդար բաշխմանը»,-ասել է նա, գրում է ՏԱՍՍ-ը։

Վույնովիչը հավելել է, որ ուժի մեջ է ԱՀԿ հորդորը՝ անվտանգության միջոցներ պահպանելու միջազգային ուղևորություններում։

Նա նշել է նաև, որ կորոնավիրուսի «նոր տարբերակների հայտնաբերման և մտահոգություն առաջացնող» իրավիճակը արագ զարգանում է։

«ԱՀԿ-ն խորհուրդ է տալիս, որ դրանց տարածումը կանխելու համար ձեռնարկված միջոցները ժամանակի հետ վերանայվեն և հիմնված լինեն համավարակային իրավիճակի և պայմանների վրա»,- ասել է նա։

Հայաստանում ապրիլի 19-ի դրությամբ կորոնավիրուսով վարակի դեպքերը հասել են 208,818-ի։ Ընդհանուր առմամբ, կորոնավիրուսից մահվան 3895 դեպք կա, այլ պատճառով՝ 982։

 Ուշագրավ
Այդ են վկայում The Lancet Infectouse Diseases և The Lancet Public Health հանդեսներում հրապարակված հետազտությունների արդյունքները
«Հուսով եմ, որ պատվաստանյութը կգործի ոչ թե 1-2 տարի, այլ ցմահ»,-ասել է Գինցբուրը
Բիստը նշել է, որ երկու շաբաթ առաջ նոր համաձայնագիր է կնքվել