Թուրք նախարար․ Ադրբեջանից դեպի Նախիջևան ճանապարհի կառուցումը սկսվել է, երկաթուղի ևս կկառուցվի

Թուրք նախարար․ Ադրբեջանից դեպի Նախիջևան ճանապարհի կառուցումը սկսվել է, երկաթուղի ևս կկառուցվի

PanARMENIAN.Net - Թուրքիայի տրանսպորտի և ենթակառուցվածքների նախարար Ադիլ Ղարաիսմաիլօղլուն հայտարարել է, որ սկսվել է Ադրբեջանից դեպի Նախիջևան ճանապարհի կառուցումը։ Այդ մասին նա ասել է թուրքական Yeni Safak-ին տված հարցազրույցում, գրում է Moscow-Baku-ն։

Ըստ թուրք նախարարի` հարկավոր է նաև սկսել երկաթգծի կառուցումը Կարսից մինչև Դիլուջու անցակետ, որը Նախիջևանի հետ սահմանին է։

«Հարկավոր է նաև արդիականացնել Նախիջևանի երկաթուղիները և դրանից հետո սկսել ուղիղ երկաթգծի կառուցումն Ադրբեջանից դեպի Նախիջևան՝ այդպիսով ապահովել Թուրքիայի և Ադրբեջանի միջև ուղիղ երկաթուղային կապը, այլ ոչ թե Վրաստանի տարածքով»,- ասել է նա։

Ղարաիսմաիլօղլուն նաև հավելել է, որ Բաքուն մտադիր է սկսել երկաթուղու կառուցումը դեկտեմբերին, սակայն Անկարան առաջարկել է սկզբից ավարտել ավտոմոբիլային ճանապարհի կառուցումը, հետո անցնել երկաթուղու շինարարությանն Ադրբեջանից դեպի Նախիջևան։

Ադրբեջանի նախագահ Իլհամ Ալիևը մշտապես խոսում է «Նախիջևանի միջանցքի» մասին` նշելով, որ այն առաջիկայում անպայման կբացվի՝ հղում անելով նոյեմբերի 10-ի համատեղ հայտարարության վրա։ Հայկական կողմը հայտարարել է, որ Հայաստանը պատրաստ է ապահովել հաղորդակցությունը Նախիջևանի հետ, սկայն միջանցքի մասին խոսք չկա։

 Ուշագրավ
Այդ են վկայում The Lancet Infectouse Diseases և The Lancet Public Health հանդեսներում հրապարակված հետազտությունների արդյունքները
«Հուսով եմ, որ պատվաստանյութը կգործի ոչ թե 1-2 տարի, այլ ցմահ»,-ասել է Գինցբուրը
Բիստը նշել է, որ երկու շաբաթ առաջ նոր համաձայնագիր է կնքվել